Li Şingalê PKKê çar endamên malbatekî bêserşûn kirine

Hemwelatiyekî Şingalê ragehand, piştî dayîk û du bira berî çend rojan hatin bêserşûn kirin, duh jî bavê wan diyar nemaye û bê serûşûne.

Hemwelatiyê qeza Şingalê Şemo Nayif Derwêş ji BasNewsê re ragehand: ‘’Dayîka min a bi navê Nadire Husên Seydo ya 44 salî û her du birayên min ên bi navên Levend Nayif Derwêş û Daxwaz Nayif Derwêş ku xelkê Dugirî ya ser bi qeza Şingalê ne û roja 11.04.2021ê nav Dugirî hatin bêserşûn kirin.’’

Herwaha ragehand îro 18.04.2021ê jî: ‘’Bavê min ku navê wî Nayif Derwêş e, çûye gel PKKê lê careke din nevegeriyaye û ji duh ve telefona wî daxistiye û bê serûşûn e.’’

Şemo aşkera kir, dayîk û du birayên wî xwestine biçin serdana bijîşk bikin, ji bo wê jî daxwaza otomobîlê kirine û piştî li otomobîlê siwar bûne, ti agahî ji wan nayê wergirtin û heta naha bê serûşûn in.

Herwaha got: ‘’Bavê min jî ku li gel PKKê kar dike, çûye gel wan û nevegeryaye û telefona wî jî daxistiye û peyvendiya me qut bûye.’’ Û got: ‘’Me dixwest ji Şingalê derkevin û biçin bo parêzgeha Duhokê, lê dayîk û du birayên min li gel yek û piştre jî bavê min hatin bê serûşûn kirin.’’


Source link

About Hooshyar

Check Also

Ji bo 80 hezar mamosteyî kongre hat sazkirin (Diyarname)

Ji bo 80 hezar mamosteyî kongre hat sazkirin (Diyarname) Source link

Leave a Reply

Your email address will not be published. Required fields are marked *