سه‌ماحه‌تی سه‌ید عه‌بدولعه‌زیز ئه‌لحه‌كیم پشتیوانی خه‌باتی نه‌ته‌وایه‌تیمان بوو

له‌ ساڵیادی كۆچی دوایی سه‌ماحه‌تی سه‌ید عه‌بدولعه‌زیز ئه‌لحه‌كیم، بافڵ تاڵه‌بانی هاوسه‌رۆكی یه‌كێتیی نیشتمانیی كوردستان، په‌یامێكی بڵاوكردووه‌ته‌وه‌، كه‌ ئه‌مه‌ ده‌قه‌كه‌یه‌تی:

ئه‌مڕۆ ساڵیادی كۆچی دوایی سه‌ماحه‌تی سه‌ید عه‌بدولعه‌زیز ئه‌لحه‌كیم، سه‌ركرده‌ی دیاری عیراقه‌.
 به‌ڕێز و شكۆوه‌ یادی تێكۆشه‌ر و دۆستێكی دێرین و نزیكی گه‌لی كورد و سه‌رۆك مام جه‌لال ده‌كه‌ینه‌وه‌ كه‌ به‌درێژایی ژیانی خه‌بات و تێكۆشانی دژی دیكتاتۆری و زوڵم و سته‌م كردووه‌ و هه‌میشه‌ له‌ به‌ره‌ی داكۆكیكردنیش بووه‌ له‌ به‌دیھێنانی مافه‌كانی گه‌لی كورد. له‌ رۆژانی سه‌ختی خه‌باتیشدا ھاوپشت و پشتیوانی خه‌باتی نه‌ته‌وایه‌تیمان بوو.

ئه‌مڕۆ كه‌ یادی ئه‌م سه‌ركرده‌ قاره‌مان و مه‌زنه‌ ده‌كه‌ینه‌وه‌ له‌ ھه‌مووكات زیاتر پێویستمان به‌ ھه‌مان رۆحیه‌تی خوالێخۆشبوو سه‌ماحه‌تیان ھه‌یه‌ بۆ لێكنزیكبوونه‌وه‌ی زیاتر و دووباره‌ بووژاندنه‌وه‌ی گیانی پێكه‌وه‌بوون و بونیادنانه‌وه‌ی متمانه‌ له‌نێوان ھێزه‌ شۆڕشگێره‌كانی ھه‌رێم و عیراق بۆ پاراستنی ده‌ستوورو به‌ھا باڵاكانی گه‌لی كورد و عیراق، كه‌ دڵنیام سه‌ماحه‌تی سه‌ید عه‌مار ئه‌لحه‌كیم درێژه‌پێده‌ری ھه‌مان رێچكه‌ و بیروباوه‌ڕی به‌ڕێزیانه‌ و پێكه‌وه‌ ده‌ست له‌ناوده‌ست ده‌بین له‌پێناو سه‌قامگیری زیاتری سیاسی، ئه‌منی و ئابووری.
دروود بۆ گیانی سه‌ماحه‌تی سه‌ید عه‌بدولعه‌زیز ئه‌لحه‌كیم و ته‌واوی شه‌ھیدانی رێگای رزگاری

بافڵ تاڵه‌بانی
هاوسه‌رۆكی یه‌كێتیی نیشتمانیی كوردستان

PUKmedia


Source link

About Hooshyar

Check Also

Essay Writing Agency – Tips For Choosing the Ideal Paper Provider – لڤین پرێس

There are so many new authors out there nowadays who are still the best essay …

Leave a Reply

Your email address will not be published. Required fields are marked *