Roja Hilbijartinê Nêzîk Dibe Û Kempeyên Hilbijartinê Xortir Dibin


Serok Donald Trump kempeynên hilbijartinê li wîlayetên sereke bihêz û çir dike di van du rojên dawiyê da yên hilbijartinên serokatiya Amerîka ku roja 3ê Mijdarê dê pêk bihên.

Ev hewildanên serok Trump bo anketên giştî û rapirsiyane û herwiha serkeftin bi ser hevrikê xwe Joe biden da berbijarê Demokratan bo postê Serokatiya Amerîka.

Li gor anket û rapirsiyên niştîmanî Biden li pêşe lê ev rapirsî ne şertê serkeftina serokê Amerîka ye û weke pîvaneke fermî nayê hesab kirin.

Serok Trump di van rojên dawiyê da serdanan çendîn wîlayetên sereke kirîye ku ew wîlayet dikarin bibin kilîta serkeftinê û weke wîlayetên biryarder tên naskirin, ew dê diyar bikin kanê Trump dê 4 salên din li ser desthilatê bimîne yan jî dê weke serdema George W. Bush yê (bab) be, ku tenê di yek xolê da li Qesra Spî mabû.

Li gor planê îro Yekşemê Joe Biden dê serdana wîlayeta Pennsylvania bike, ku yek ji wîlayetên sereke yên biryarder yên hilbijartinên serokatiya Amerîka tê hejmartin.

Di helmetên xwe yên hilbijartinê da Biden senga xwe xistiye ser rexnekirina rêbaz û mîkanîzma berhingarbûna vîrusa koronayê.

Trump li bere Îro Yekşemê û sibe Duşemê 10 mîtîngan li cihên cûda encam bide, ev ji asta herî bihêz ya helmetên hilbijatinê ye, da ku dengderan hay bide herin ser sindoqan dengê xwe bidin berbijarê Komarîyan.

Trump îro Yekşemê dê li wîlayetên Michigan, Iowa, North Carolina, Georgia û Pennsylvanian kempeyna xwe bidomîne.


Source link

About Hooshyar

Check Also

HRE: Li Efrîn û Ezazê gelek çete hatin kuştin

Hêzên Rizgariya Efrînê (HRE) encamên çalakiyên ku li Efrîn û Ezazê li dijî çeteyan pêk …

Leave a Reply

Your email address will not be published. Required fields are marked *