Ermenistan û Azerbaycan Hevdu bi Binpêkirina Agirbestê Tawanbar Dikin

Pevçûnên di navbera Ermenistan û Azerbaycanê de roja Şemîyê jî nesekinîn û her du alîyan hevdu bi binpêkirina agirbestê tawanbar kirin.

Wezîrên derve yên Ermensitan û Azerbaycanê roja Înê li Cenevrê, bi karbidestên Fransa, Rûsya û Amerîka re kom bûbûn û bo herêmên sîvîlan agirbest ragihandibûn.

Bi êrîşên roja Şemîyê, agirbesta ku cara çaran hatibû ragihandin, pûç bû.

Li gor daxuyanîyên karbidestên Nagorno – Qarabaxê li bazareke bajarê Stepankert êrîş li dar ketin.

Wezareta Derve ya Ermenistanê ragihand ku di êrîşan de ‘’gelek’’ sîvîl hatine kuştin, lê karbidestên Azerî îdiayên ser êrîşê red kirin û dîyar kirin ku Ermenistanê êrîş birine ser taxên Azerîyan.

Pevçûnên di navbera Ermenistan û Azerbaycanê de, di dawîya Îlonê de destpê kiribûn û li gor berpirsên Rûs ji her du alîyan heta niha bi kêmî ve 5000 kes hatine kuştin.


Source link

About Hooshyar

Check Also

كەركوك.. داعش پەلاماری حەشدی عەشایەری دەدات

ئەمشەو لەسنوری ناحیەی ریازی سەربە پارێزگای كەركوك تیرۆرستانی داعش پەلاماری هێزەكانی حەشدی عەشایەریان داوەو كوژراوی …

Leave a Reply

Your email address will not be published. Required fields are marked *