“Dr. Necmeddîn di xortaniya xwe de xwe bexşî şoreşê kir”


PeyamaKurd – Serokê Herêma Kurdistanê Nêçîrvan barzanî li ser wefata Dr. Necmeddîn Kerîm peyamekî belav kir. Barzanî di peyama xwe de got:

“Wefata Dr. Necmeddîn Kerîm bo xelkê Kurdistanê wendayiyekî mezine. Bo hevjîna wî, zarokên wî, mirovên wî, bo xelkê Kerkûkê û Kurdistanê sersaxiyê dixwazim û hevparê xema wan im.

 Dr. Necmeddîn Kerîm di temenê xwe yê gêncatiyê de temenê xwe bo şoreşa Kurdistanê bexşand. Doktorekî pispor, di şoreşa êlûn û gulanê de pêşmergeyekî, dema nemir Mele Mistefa nexweş ket li Amerîkayê jê re xizmetê kir. Li Amerîkayê weka doktorekî xebatên dîplomasiyê û siyasî meşand.

Dr. Necmeddîn Kerîm bo Kerkûkê xizmetên bêsînor û qehremaniyê kir. Herî dawiyê wexta parêzgerê kerkûkê bû, gelek xizmetan kir. Bi sîstemekî neqanûnî ji wezîfê hat dûrxistin. Piştî dûrxistina ji wezîfê, gelek tiştên ne rewa û xerab hatin kirin.

Dr. Necmeddîn Kerîm weka Kurdekî welatperwer bi hemû terefên siyasî re û xelkê re pêwendiyên wî yên xurt hebûn. Bi taybetî di wexta serok Mesûd Barzanî û rehmetî Mam Celal de, li cem wan ciyê xwe girt. Têkoşîna Dr. Necmeddîn Kerîm û samîmiyeta wî ya bi dozê re, wê di bîra xelkê Kurdistanê û dostên wî de bijî.”


Source link

About Hooshyar

Check Also

بەچەقۆ هێرش دەکرێتە سەر پەرلەمانتارێکی گۆڕان

لەسلێمانی بەچەقۆ هێرشدەكرێتە پەرلەمانتاری گۆڕان غالب محەمەد و بریندار دەكرێت. سەرچاوەیەكی  ئەمنی تایبەت بۆ PUKmedia  …

Leave a Reply

Your email address will not be published. Required fields are marked *