حیزبەکەی مێرکڵ هەڵبژاردنی سەرۆکی نوێ بۆ ساڵی داهاتوو دوادەخات


حیزبەکەی ڕاوێژکاری ئەڵمانیا ئانگێلا مێرکڵ کە پێشتر ئاماژەی بەوەدابوو ئارەزووی ئەوە ناکات لە هەڵبژاردنەکانی داهاتوودا بەشداری بکات، هەڵبژاردنی سەرۆکێکی نوێی بۆ حیزبەکە بۆ تاوەکو ناوەڕاستی مانگی یەکی ساڵی داهاتوو دواخست، ئەوەش بەهۆی دووبارە بڵاوبوونەوەی ڤایرۆسی کۆرۆناوە.

سکرتێری گشتی حیزبەکە پۆڵ زیمیاک لە تویتێکدا وتی هەر سێ کاندیدەکەی سەرۆکایەتی حیزبی پارێزگارانی مەسیحی ڕێکەوتوون لەسەر دواخستنی کاتی دەنگدانەکە.

یەکێک لەو سێ کاندیدە شوێنی ئانگریت کرامپ کارینپاوەر دەگرێتەوە کە وەکو جێگرەوەی مێرکڵ سەیر کراوە بەڵام لە مانگی دوودا بەهۆی لاوازی دەسەڵاتیەوە بەسەر حیزبەکەیدا دەستی لەکارەکەی کێشایەوە.

ئەندامانی حیزبەکە دەبێت لە نێوان ئەو سێ کاندیدەدا یەکێکیان هەڵبژێرن، ئەوانیش ئارمین لاشیت کە سەرۆکایەتی کەرتی باکووری ڕاین ڤیستیڤالیا دەکات، هەروەها فریدریک مێرتسی لیبڕاڵ کە بە ڕکابەرێکی مێژوویی مێرکڵ دادەنرێت، دوایین کاندید نۆربەرت ڕۆتگینە کە شارەزایە لە بواری سیاسەتی دەرەوەدا.

واپێدەچێت براوەیان ببێتە کاندیدی حیزبەکە بۆ هەڵبژاردنەکانی داهاتوو کە لە مانگی نۆی ساڵی 2021 دا بەڕێوەدەچێت و مێرکڵ دوای 16 ساڵ لە پۆستەکەی وەکو ڕاوێژکار واز لە کارەکەی دەهێنێت.

سەرچاوە/ فرانس پرێس


Source link

About Hooshyar

Check Also

خشتەی دابەشكردنی 5 هەزار ڤاكسینە چینیەكە

وەزارەتی تەندروستی حكومەتی هەرێمی كوردستان خشتەی دابەشكردنی پێنج هەزار ڤاكسینەكە چینیەكە ئاشكراكرد، كە 1000 ڤاكسینی …

Leave a Reply

Your email address will not be published. Required fields are marked *