بە فەرمی کۆمپانیای ڤیڤۆ یەکەمین کاتژمێری زیرەکی نمایش کرد – کەی ئای تی ئێن

ئامێرە هەمەجۆرەکان
23, ئه‌یلول 2020

ڤیڤۆ، یەکێک لەو کۆمپانیایانەی بەرهەمەکانی خواستی خۆی لەسەرە، هاتە نێو دونیای کاتژمێری زیرەک درووست کردنەوە و یەکەمین کاتژمێری زیرەکی خۆی لە ژێر ناوی Vivo Watch نمایش کرد

قەبارەی کاتژمێرەکە دوو قەبارەیە کە 42mm و 46mmـە و خاوەن ڕوونمایەکی قەبارە 1.39 ئینجییە لە جۆری Amoled بە ڕوونی 454*454 پێکسڵ بۆ قەبارەی 46mm، هەروەها بۆ قەبارەی 44mm خاوەن ڕوونمایەکی قەبارە 1.19 ئینجییە لە جۆری Amoled بە ڕوونی 390*390 پێکسڵ، لە لاشەی کاتژمێرەکە ستیلی 316L بەکاردەهێنرێت کە زیاتر لە لاشەی ئەلەمنیۆمێکی ئاسایی بەهێزترە و  بەرهەڵستێکی زیاتری شکان دەکات، هەروەها لە ڕۆژی ئاساییشدا دەتوانێت بەرهەڵستی لە ئارەقە و فرمێسک و بەرکەوتنی ئاسان بکات

بە پێی وتەی فەرمی کۆمپانیاکە بێت، بەشی bezelـی کاتژمێرەکە لە سیرامیکی ورد درووست کراوە کە چوار جار بەهێزترە لە ستیل، هەروەها سوودێکی باشی دەبێت بۆ بەرهەڵستنی ڕووشان و تەمەنی زیاتری کاتژمێرەکە، هەروەها تایبەتمەندی ڕێژەی پێوانی ئۆکسجینی نێو خوێنی تێدا جێگیر کراوە بە یارمەتی 5 هەستەوەر

هەروەها پشتگیری تایبەتمەندی هەمیشە لەسەر ڕوونما( Always On Display ) دەکات بەرگەی ئاو دەکرێت تاوەکو قووڵی 50 مەتر، هەروەها بە پێی وتەی ڤیڤۆ بێت مۆدێلی 46mm پاترییەکەی بەرگەی 18 ڕۆژ دەگرێت و مۆدێلی 42mm پاترییەکەی بەرگەی 9 ڕۆژ دەگرێت لە بەکارهێنانی ئاساییدا، هەروەها چەندەها دۆخی وەرزشی وەک ڕاکردن و مەلەکردن و هتد.. لە خۆ دەگرێت، نرخی کاتژمێرەکە بۆ هەردوو مۆدێلەکە بریتییە لە 191 دۆلار

About میران ئەبوبەکر

Check Also

ئێکس بۆکس دڵنیای دەدات لە بەردەست بوونی یارییەکانی کۆنسۆڵەکانی پێشووی بۆ کۆنسۆڵە نوێیەکان

مایکرۆسۆفت 29, تشرینی یه‌كه‌م 2020 ئەو ناوچەیەی کە بە ئاسانی پلەیستەیشن بەرامبەر ئێکس بۆکس دەدۆڕێت …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *