James Jeffrey Dê Serdana Swîsre û Tirkîyê Bike


Nûnerê Taybet yê bo Sûrîyê yê Amerîka James Jeffrey û Qasidê Taybet yê Sûrîyê Joel Rayburn dê bo danûstandinên fermî serdana Swîsre û Tirkîyê bikin.

Jeffrey û Rayburn dê berê herin Cenevrê û beşdarî hevdîtinên Komîsyona Qanûna Bingehîn ya Sûrîyê, ku di 24’ê Tebaxê de destpê dike, bibin.

Her du dîplomat dê li Cenevrê bi Nûnerê Taybet yê Sûrîyê yê Neteweyên Yekbûyî (NY) Geir Pedersen û beşdarên din yên Komîsyona Qanûna Bingehîn ya Sûrîyê re bicivin.

Amerîka bi awayekî rastexwe beşdarî komîsyona ku bi çavdêrîya NY çêbûye, nebûye, lê armanca karbidestên Amerîkî ew e ku bo bidawîbûna nakokîyên li Sûrîyê piştgirîyê bidin xebatên komîsyonê.

Li gor daxuyanîya Wezareta Derve ya Amerîka, Jeffrey dê di 26’ê Tebaxê de li Stenbolê bi komên opozîsyonê yên Sûrîyê û nûnerên taybet yên sazîyên sîvîl yên wî welatî re bicive.

Jeffrey dê di 27 û 28’ê Tebaxê de jî li Enqerê be û bi karbidestên Tirk re kom bibe.


Source link

About Hooshyar

Check Also

Hevalên Navalny Dibêjin Rewşa Saxlemîya Wî Pir Xirab E

Lyubov Sobol, alîgira rexnegirê Kremlinê yê girtî Aleksî Navalny îro Duşemê ragihand ku di derbarê …

Leave a Reply

Your email address will not be published. Required fields are marked *