داخستنی شوێنە گەشتیارییەكانی هەورامان نیگەرانیی لێدەكەوێتەوە – SNN


SNN-عەلی حەمە سەعید
دوای ئەوەی ژووری ئۆپراسیۆنەكانی رووبەڕووبوونەوەی ڤایرۆسی كۆرۆنا بڕیاری داخستنی شوێنە گەشتیارییەكانی ناوچەی هەوامانی دەركرد، ئەم بڕیارە نیگەرانی خاوەن شوێنە گەشتیارییەكان و دوكانەكانی لێكەوتووەتەوە، قایمقامی قەزای ناوەندی هەڵەبجەش دەڵێت: “بڕیارەكە بۆ زیاتر خۆپارێزییە لە ڤایرۆسی كۆرۆنا”.

سەلام هەورامی، یەكێك لە خاوەن باخەكانی ناحیەی بیارەی سەر بەپارێزگای هەڵەبجە بە SNNی ڕاگەیاند: بڕیاری داخستنی دوكان و شوێنە گەشتیارییەكانی ناوچەكەمان جگە لەوەی زیانێكی زۆر بە ئێمە دەگەیەنێت، هیچ سودێكی نابێت بۆ ڕێگریكرن لە بڵاوبوونەوەی ڤایرۆسی كۆرۆنا، چونكە ئەگەر بەرپرسانی ئەم سنوورە دەیانەوێت ڕێگری بكەن لە بڵاوبوونەوەی ڤایرۆسی كۆرۆنا با بڕیاری داخستنی مەرزە سنورییەكان بدەن.

ئاماژەی بەوەشكرد، تا ئێستا لەم ناوچەیەی ئێمەوە ڤایرۆسی كۆرۆنا نەگوازراوەتەوە بۆ هیچ ناوچەیەك، بەڵكو بە پێچەوانەوە لە ناوچەكانی دیكەوە ڤایرۆسی كۆرۆنا هێندراوەتە سنوورەكەمان ئەوەش بەهۆی ئەوەی كە ڕۆژانە بەسەدان شۆفێری ئۆتۆمبێلە بارهەڵگرەكان دەچنە دیوی ئێران و لەگەڵ سەدان شۆفێری ئێرانی بەریەككەوتنیان دەبێت و دواتر دێنەوە بۆ سنوورەكەی ئێمە و كەسانی دیكەش تووشی كۆرۆنا دەكەن، بۆیە داوا لە حكومەت و بەرپرسانی ئیداری هەڵەبجە دەكەین بەو بڕیارەیاندا بچنەوە و باری دارایی و ژیان و گوزەرانی ئێمە لەبارەچاو بگرن.

نوخشە ناسیح، قایمقامی قەزای ناوەندی پارێزگای هەڵەبجە بۆ SNNی ڕوونكردەوە بڕیاری داخستنی ناوچە گەشتیارییەكانی هەورامان بە بڕیاری ژووری ئۆپراسیۆنەكانی هەڵەبجەیە و مەبەست لە بڕیارەكەش بۆ ڕێگریكردنە لە زیاتر بڵاوبوونەوەی ڤایرۆسی كۆرۆنا كە ڕۆژانە خەڵكانێكی زۆر لە ناوچە جیاوازەكانی هەرێمی كوردستانەوە سەردانی ئەو شوێنانە دەكەن، بۆیە بڕیارمانداوە كە بۆماوەی هەفتەیەك ئەو شوێنانە دابخەین و لە كاتژمێر شەشی ڕۆژی 21/6/2020 كۆتایی بە داخستنی ئەو شوێنە گەشتیارانە دێت و دوای ئەو بەروارە بڕیاری گونجاویان لەبارەوە دەدەین.


Source link

About Hooshyar

Check Also

Keş û Bayê Herêm û Cîhan ê

Keş û Bayê Herêm û Cîhan ê Source link

Leave a Reply

Your email address will not be published. Required fields are marked *