Breaking News

سەرۆک ترامپ سەرسوڕمانی خۆی نیشان دەدات لە بەرامبەر هەڵبژاردنی کامڵا هێرس لەلایەن جۆو بایدنەوە

سەرۆک ترامپ دەڵێت پـێی سەیرە جۆو بایدن ڕکابەرە دیموکراتەکەی، سیناتۆر کامڵا هێرسی هەڵبژاردووە تاوەکو ببێتە جێگری.

سەرۆک ترامپ پاش نیوەڕۆی سێشەممە لە کۆنگرەیەکی ڕۆژنامەوانی لە وەڵامی پـرسیارێک گوتی پـێی سەیرە جۆو بایدن کامڵا هێرسی هەڵبژاردووە، بە تایبەتی لەو ڕووەوەی لە کاتی دیبەتی دیموکراتەکاندا ڕێزی لێ نەگرتووە.

پاشان ڕەخنەی لە کامڵا هێرس گرت و گوتی زۆر لەگەڵ بابەتی زیادکردنی باجە و دەیەوێت بودجەی لەشکر کەمبکاتەوە و لە دژی بەرهەمهێنانی نەوتە و دەیەوێت خزمەتگوزاری تەندروستی بە سۆشیال بکات کە زیانی دەبێت بۆ سەر خزمەتگوزاری 180 ملیۆن ئەمەریکایی.

سەرۆک ترامپ ئاماژەی بەوەش کرد کامڵا هێرس لە میانەی هەڵبژاردنە بەرایـیەکانی دیموکراتەکاندا لاوازبووە لە کاتێکدا چاوەڕوان‌دەکرا زۆر باش بێت.

لە لایەکی دیکە مایک پـێنس جێگری سەرۆکی ئەمەریکا ئەویش ڕەخنەی توندی لە ڕاوبۆچوونەکانی کامڵا هێرس گرت و گوتی کامڵا هێرس بەشێکە لە چەپڕەوی ڕادیکاڵ و لەگەڵ زیادکردنی باجە و دەیەوێت سنوورەکان کراوە بن و ڕێگەبدرێت منداڵ لەبارببرێت.

گوتیشی چاوەڕوانە لە دیبەیتەکەی مانگی دە ڕووبەڕووی کامڵا هێرس ببێتەوە. بڕیارە یەک دیبەیت بۆ هەردوو کاندیدی کۆماری و دیموکرات بۆ پـۆستی جێگری سەرۆکی ئەمەریکا ئەنجام بدرێت ، ئەویش لە مانگی دە لە ویلایەتی یوتا.


Source link

About Hooshyar

Check Also

Li ser Şengalê dron digerin

Hate ragihandin ku li Şengalê di nava van du rojên dawî de tevgerekî pir zêde …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *