Breaking News

Ji nimûneyên zargotina me – 216

Ji nimûneyên zargotina me – 216

Em weşandina berhemên ji nimûneyên zargotina me berdewam dikin. Berhema dusedûpanzdeyan me ji pirtûka “Folklora kurmancîyê”, ku sala 1957an bi kurmancîya kirîlî ya kurdên Sovyet va hatîye çapkirin, hildaye û me ew transkrîpeyî ser herfên kurdîya latînî ya îroyîn kirîye. Vê carê emê çend stiranên bi sernavê tevayî ”KILAMÊD GOVENDÊ” raberî we bikin. Îro em beşa wê a duduyan çap dikin.

Berevkar û amadekarê vê pirtûkê Hecîyê Cindî ye.

Berhem çawa di pirtûkê da çap bûne, em wisa raberî we dikin.

Tîpguhêzîya kurdîya ji tîpên kirîlî ser tîpên kurdîya latînî Mîdîya Têmûr û Dîdara Têmûr kirine.

Amadekar: Têmûrê Xelîl

 

Bişêrî

 

Bişêrî, ha Bişêrî

Bişêrî bizineke û du nêrî

Pala hana diçêrî

Çi bikim tu bi mêrî.

Şam, Heleb, Dîyarbekir

Ser bajêrda mêze kir

Bazara sola li te kir

Şabûna nalçe ne kir.

 

Nar, nar

 

Nar, nar, naçime ber noka

Nar, nar reşkezî ketine ber çoka

Te ez kuştim, te ez helandim van toka.

 

Nar, nar, welle naçime ber avê

Nar, nar, reşkezî ketine navê

Nar, nar, te ez kuştim, te ez helandim bêbavê.

 

Nar, nar, welle ez naçime ber nîska

Reşkezî ketine gûzeka

Te ez kuştim, te ez helandim van qîzika.

 

Nar, nar, ha yane, yane, yane

Nar, nar, anîya te ya zêrane

Nar, nar, pênc qol zêr lê kutane

Nar, nar, ew qismetê xortane.

 

Şam, Heleb, Dîyarbekir

 

Şam, Heleb, Dîyarbekir

Can, min derê dikanê vekir.

 

Min bazara saqoyê te kir

Min şabûna çotke ne kir.

 

Şam, Heleb, Dîyarbekir

Can, min derê dikanê vekir.

 

Min bazara solê te kir

Min şabûna bazar ne kir.

 

Şam, Heleb, Dîyarbekir

Can, min derê dikanê vekir.

 

Min bazara xilxê te kir

Min şabûna gulavtûn ne kir.

 

Şam, Heleb, Dîyarbekir

Can, min derê dikanê vekir.

 

Min bazara şelka xwe kir

Min şabûna qeytan ne kir.

 

Şam, Heleb, Dîyarbekir

Can, min derê dikanê vekir.

 

Min bazara dêrê te kir

Min şabûna namil ne kir.

 

Şam, Heleb, Dîyarbekir

Can, min derê dikanê vekir.

 

Min bazara guharê xwe kir

Min şabûna zincîl ne kir.

 

Şam, Heleb, Dîyarbekir

Can, min derê dikanê vekir.

 

Min bazara şera xwe kir

Min şabûna rîşî ne kir.

 

Şam, Heleb, Dîyarbekir

Can, min derê dikanê vekir.

 

Min bazara xizêma xwe kir

Min şabûna avzêr ne kir.

 

Şam, Heleb, Dîyarbekir

Can, min derê dikanê vekir.

 

Min bazara bazinê xwe kir

Min şabûna şirik ne kir.

 

Şam, Heleb, Dîyarbekir

Can, min derê dikanê vekir.

 

Min bazara kurtkê xwe kir

Min şabûna bişkoşk ne kir.

 

 

Herdad

 

Herdad, herdad, herdad

Dado kîsik niqişand

Ha li kêlekê

Ha li ber piştê

Ha li teniştê

Hilkişand

Cegerê lawika, cegerê xorta

Cegerê geda herişand.

 

Herdad, herdad, herdad

Dedo kîsik çêdikirî

Ha li kêlekê

Ha li teniştê

Ha li ber piştê hilkirî

Cegerê lawika, cegerê xorta

Cegerê geda kulkirî.

 

Got: Bedirê Reşo, ji dîya xwe bûye sala 1908a, nîvxwendî, şivan, ji gundê Şamîramê ser nehîya Aştarakê.

 

 

Sînê, Sînê

 

Sînê, Sînê, Sînemê

Sînê mala berjêr çû

Daw û dilme bela çû.

Sînê qîza keşîşe

Ramûsanê êmîşe.

Sînê qîza melleye

Ramûsanê xurmeye.

 

Yarim

 

Yarim, ha yarim

Çevbelek, nazdarim

Kiras kitane, beden şileye.

Yarim xingilî

Heta xingilî

Govend betilî.

Roj bejina teye

Em kirine êvarê

Yarim ha yarim

Çevbelek nazdarim.

 

Wey baranê

 

Wey baranê, wey baranê

Wey baranê, wey baranê.

 

Wê baranê çi kir, çi kir

Înîyê barî, şemîyê vekir.

 

Kincê bûkê temam şil kir

Xêlîya bûkê şerpeze kir.

 

Lawik çûne Hayastanê

Anîn birincê vê nîşanê.

 

Çi barana ser payîza

Lawik çûne kakilê gûza

Xew xweş bûne paşilê qîza.

 

Çi barana ser bihara

Lawik çûne kakilê dara

Xew xweş bûne paşilê yara.

 

Got: Sêvaza Sefo, ji gundê Pampê, li ser nehîya Aparanê, 15 salî.

Nivîsî: Firîda Cewarî.

 

 

Ha Nelimê

 

Ha Nelimê, Nelimê, Nelimê

Ez çûm derî dadayî

Cî û belgî paldayî

Nelimê navda razayî.

Min pihînek lê dayî

Wê pihînê can dayî.

Derkê me derê weda

Ber derê we bûm qeda

Qîz xwestî, bavê neda.

Tilîyê min çevê dêra

Çi mêr dît, qîz da jêra.

Cûcikê ka vedayî

Kincê zirtê navdayî.

 

Got: Çîçeka Cemal, 13 salî, ji gundê Pampa Kurda, li ser nehîya Aparanê.

 

Hesiko

 

Hesiko wêlî, wêlî, ha wêlî

Hesik zewicî, Besik berdêlî

Hilde şeşxanê, dakeve gêlî.

 

Hesikê min çûye birca Beleke

Siteyr ezmana bûne xeleqe.

 

Hesikê min çûya birca Hêşîne

Siteyr ezmana bûne mêzîne.

 

Zozan ber zozan, zozanê mene

Wêda welgere, reşkonê mene

Wêlî, ha wêlî, Hesiko wêlî.

 

Got: Çîçeka Cemal, gundîya Pampa Kurda.

 

 

Ez şêmîkê

 

Ez şêmîkê, tu şêmîkê

Çend zêr kutan ber cênîkê.

 

Ez heyatê, tu heyatê

Çend zêr kutan ber hêratê.

 

Ez sivderê, tu sivderê

Çend zêr kutan ber kemberê.

 

Çevkê min kemberê ket

Dilkê min agir pê ket

Serkê min şêmîkê ket

Milikê min rexderî ket.

 

Delîl, delîl xana min

Dayka te qurbana min.

 

Riataza


Source link

About Hooshyar

Check Also

Tevahîya Cîhanê li Benda Encama Hilbijartinên Amerîka Ye

Amerîka li benda hilbijartinên 3’yê Mijdarê ye ku serokê 46’an yê Amerîkayê hilbijêre. Em tenê …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *