Breaking News

Agir bi kampa Erîşa ket


Îşev li kampa Erîşa ya 30 km dikeve başûrê Hesekê, di encama teqîna ocaxa gazê de şewatek çêbû û 30 kon şewitî. Bi wê re tîmên agirkujiyê bi hevkariya niştecihên kampê şewat vemirandin.

Di encama şewatê rizarên madî û 3 rewşên bêhntengbûnê yên şêniyên kampê ku hewldan şewatê vemirînin çêbûn, lê tîma Heyva Sor a Kurd destwerdanên lezgîn kir û niha rewşa wan baş e.

Di kampa Erîşa de zêdetirî 14 hezar şênî heye, piraniya wan ji gundewarên Dêrazor û Reqayê ne. Ew şênî bi sedema ku mal û warên wan di bin serweriya rejîma Sûriyeyê de ne û hin mal jî hatine wêrankirin nikarin vegerin û li wir bi cih bûne.

Her wiha piştî êrişên dewleta Tirk a dagirker ên li ser herêmên Bakur û Rojhilatê Sûriyeyê, 7 hezar koçberên ji kampa Mebroka ya li Serêkaniyê û kampa Eyn Îsayê di kampa Erîşa de bi cih bûn.

 


Source link

About Hooshyar

Check Also

Filistînîyan lijneya Îmaratê ya ku ket hûndirê Mescîda Eqsayê qewirand

Doh lijneyeke ku li ser navê Mîrektîyên Yekbûyî yên Ereban ki bo asayîbûna bi siyonistên …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *