Breaking News

XELKÊN BAJARÊ EBÛ RASÊN BÊ HÊVÎ BÛNE KU VEGERIN XANIYÊN XWE. – Ragihandina Encûmena Niştîmanî kurdî li Sûriyê

Li gorî zaniyariyan û şopandina nûçegihanê me di derbarê liv û tevgera herêmên Kurdistana Sûriye, piştî êrîşkirina Turkiya û komên Çekdar yên bi ser wê ve li ser herêmên Kurdistana Sûriyayê .

Tê diyarkirin ku bi taybet herêma Zirgan wekî bajarê Ebû Rasên, liv û tevgera wê kêm bûye, ji ber ku xelkên wê bê hêvî bûne ji bo ku vegerin xaniyên xwe, ji ber ku ta niha jî her demekê bajarê Ebû Rasên û gundewarê wê tê topbarankirin ji aliyê komên Çekdar yên bi ser Turkiya ve.

Di derbarê vê yekê de, çavkaniyekî taybet ji malpera me ya ENKSê re ragihand û anî ziman:”Bi rastî xelkên bajarê Ebû Rasên hêdî hêdî vedigeriyan xaniyên xwe û liv û tevgera bajarê pak dibû.

Lê mixabin bi taybet, dema di roja duşemê 27/7/2020an de, ku bajarê Ebû Rasên ji aliyê komên Çekdar yên bi ser Turkiya ve, hat topbarankirin, malbatên ku dixwestin vegerin xaniyên xwe dîsa bê hêvî bûn ku vegerin malên xwe .

Her wiha li gorî zaniyariyên taybet ,hin ji malbatên ku vegeriyabûn xaniyên xwe li bajarê Ebû Rasên dîsa ji xaniyên xwe derketin û dixwazin li gudewarê Dirbêsiyê bi cih bibin.

Hêjaye gotinê ku xelkên Bajarê Ebû Rasên hêdî hêdî vedigeriyan xaniyên xwe û liv û tevgera bajarê baştir dibû, lê dema ev êrîşên hovane bi rengî ku topbarankirin tê kirin û dibe cihê metirsiyê li cem xelkên herêmê ji ber vê yekê xelkên herêmê bê hêvî dibin li ser vegerê.

Ragihandina ENKSê
Raport: Elî Fetah


Source link

About Hooshyar

Check Also

ئەو وڵاتانەی ژمارەی توشبووانی ڤایرۆسی کۆرۆنا تیایدا 1 ملیۆن کەسی تێپەڕاندووە دەبێتە 7 وڵات

ژمارەی ئەو وڵاتانەی کە تیایاندا زیاتر لە یەک ملیۆن حاڵەتی ڤایرۆسی کۆرۆنا پشتڕاست کراوەتەوە گەیشتە …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *