سامسۆنگ مۆبایلی چەماوەیی Galaxy Z Fold 2 ـی نمایشکرد – کەی ئای تی ئێن

سامسۆنگ
5, ئاب 2020

لە پاڵ نمایشکردنی مۆبایلەکانی Galaxy Note 20 و Galaxy Note 20 Ultra ـدا، کۆمپانیای سامسۆنگ مۆبایلی چەماوەیی Galaxy Z Fold 2 ـیشی نمایشکرد. مۆبایلی Galaxy Z Fold 2 نەوەیەکی نوێیە لە مۆبایلی چەماوەیی پار ساڵی Galaxy Z Fold بە خاوەن ڕوونمایەکی گەورەتر، سیستەمی کامێرای باشتر و کامێرا لەسەر چاڵی ژێر ڕوونماوە.

مۆبایلی چەماوەیی Galaxy Z Fold 2 خاوەن دیزاینێکی قەشەنگە و لە پشتەوە ڕێک هاوشێوەی Galaxy Note 20 Ultra ـیە. وە ئەمجارە لە بری هەبوونی ڕوونمایەکی بچکۆلە و ناشترین لە پشتەوە، خاوەن ڕوونمایەکی پڕاوپڕی 6.2 ئینجییە. ڕوونما سەرەکییەکەشی چەماوەییە و قەبارەی لە 7.3 ئینج زیاد کراوە بۆ 7.6 ئینج.

لە پشتەوە خاوەن سێ دانە کامێرای ئاست بەرزە. ڕوونییەکانیان ئاشکرا نەکراون، بەڵام پێدەچێت خاوەن هەمان ڕوونی مۆبایلی Galaxy Note 20 Ultra ببن.

شوێنی کامێراکەشی گۆڕانکاری بەسەردا هاتووە و گواستراوەتەوە سەر چاڵی ژێر ڕوونماکەی بەشی پشتەوەی. وا دیارە جوڵێنەری ڕوونماکەشی لە پشتەوە دیزاین کراوەتەوە و ئێستا زۆر جوانتر دەردەکەوێت.

مۆبایلی چەماوەیی Galaxy Z Fold 2 بە ڕەنگەکانی ڕەش و برۆنزی و ڕەش بەردەست دەکرێت. هیچکام لە نرخ، ڕێکەوتی بەردەستکردن، تەنانەت تایبەتمەندییەکانی وەک پڕۆسێسەر و بیرگە و زیاتریش ئاشکرا نەکراون.

About ماکوان بەرزان

Check Also

ئەپڵ لە وڵاتی فەرەنسا پێویستە ئایفۆن 12 بە بیستۆکەوە بفرۆشێت – کەی ئای تی ئێن

ئەپڵ 17, تشرینی یه‌كه‌م 2020 ئەپڵ چەند ڕۆژێک لەمەو بەر زنجیرەی ئایفۆن 12 ڕاگەیاند، بەڵام …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *