Breaking News

Peyama Serokê Herêma Kurdistanê ya ji bo salvegera karesata Şingalê

Îro bi êşeke kûr ve bîranîna şeş saliya Jenosayda Êzdiyan û karesata Şingalê dikîn. Bi rêz û rûmetê ve wan hemû xûşk û birayên me yên Êzdî bi bîr tînîn ku bûne qurbaniya tawankariyeke bêhevtaya terorîstên Da’îş. Hîç kesek bawer nedikir li sedsala bîst û yekê da mirovayetî careke din mergesateke wiha dibînê ku hemû cîhanê şok dike. Silav û dirûd ji bo giyanê pakê qurbaniyên karesata Şingalê û tevahiya xûşk birayên Êzdî.

Di demek da vê bîranîna bi êş dikîn, mixabin hê jî ji birîna xûşk û birayên me yên Êzdî xwîn jê diçê û bi hezarên wan li wargehên koçberiyê de dijîn. Şingal û navçeyên dinê Êzdiyan hê jî nehatine avadan kirin û bingeheke baş ya vegerana aramiyê û vegerana jiyana wan têda nîne. Şingal kirine warê çekdarên neyasayî ku bêxemiyê ve li ser birîn û xema Êzdiyan de mijulî birêvebirina ajanda û bernameyên xwe yên siyasîne.

Li vê bîranînê de dûpat dikîn ku Herêma Kurdistanê li ser hewlên xwe yên ji bo dabînkirina aramî û vegerandina aramî û avadankirina Şingalê û kirina bi parêzgehê de berdewam dibe. Ji bo vê mebestê li gel Hikûmeta Federaliya Iraqê û îdareya parêzgeha Mûsilê hemû hevkarî û hemahengiyekê dike. Her wiha li ser asta navdewletî jî kar dike heta ku bi hevkariya Neteweyên Yekgirtî û Unitad vê tawanê bi jenosayd binasênin û tawankaran jî didin dadgehê û qurbaniyan qerebû dikin.

Xûşk û birayên Êzdî bi hezaran salan li ser warê xwe bawerî û ola xwe parastine û herdem sedemeke girîng û çalak ya çanda pêkvejiyanê û lêborînê bûne û herdem jî her wiha dimînin. Li vê salvegerê de tekez li ser kûrkirina wê çandê dikîn û hemû pêkhatên olî û neteweyî piştrast dikîn ku Kurdistan bi landika aram û parastiya me hemûyan dimîne. Her wiha soza ji bo kesukarên revandiyan jî dûpat dikîn li lêgerîn û rizgarkirina wan û hewldana ji bo zanîna çarenûsa wan de berdewam dibîn.

Silav li giyanê pakê wan Pêşmergeyên qehremanan ku bi serpereştiya raste rast ya cenabê Serok Mesûd Barzanî, Şingalê rizgar kirin û bo wê navê da giyanê xwe bexşîn. Spas û pêzanîn ji bo wan hemû kesên li navxwe û derve hevkariyê pêşkêşê Êzdiyan kirin. Xûşk û birayên Êzdî piştrast dikîn ji bo dabînkirina dadperwerî û paşerojeke baştir herdem li gel wan da dibîn.

Nêçîrvan Barzanî
Serokê Herêma Kurdistanê
03/08/2020


Source link

About Hooshyar

Check Also

ŞAŞIYA GOTINA ”FILANKESO DI BINÊ TESÎRA FILANKESÎ DE BÛ”YÊ

Zeynelabidîn Zinar, nivîskar/lêkolîner   Gelek car di Medyaya Kurdî de tê dîtin û bihîztin, dema …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *