پەرلەمان عراقی کەفێدە شوون باوەت بەسانن ماموستایگ وە شەوخەف ژنەگەی ک وەکۆرۆنا مردگە

شەفەق نیوز/ دەسەی ماف مرۆڤ پەرلەمانی، ئمڕوو چوارشەممە، باس شەرمەزارکردن به‌سانن کەسیگ كرد ك هێزە ئەمنیەگان لە پارێزگای کەرکوک وە زەنجیر وە قەی شەوخەف ژنەگەی به‌سانه‌ێ ک وەڤایڕۆس کۆرۆنا مردگە .
دەسەی ماف مرۆڤ پەرلەمانی لە بەیاننامەیگ ئمڕوو ک رەسیە ئاژانس شەفەق نیوز باسکرد ک خوەی وەرجەیە بانگەواز هەردوگ حکومەت فێدڕاڵی و ناوخۆیی لە کەرکوک کردگە ئەرا چلەکردن وەرجە رمانن رەوشە تەندروسیەگە لە پارێزگاگە، و ئاماژەدا ک پەسەن هەڵەگە هیشت خەسەخانەی کەرەنتین تەندروسی بووده‌ شوون پەتای کۆرۆنا لەناو ناوەند شارەگە، و ئەوەگ روویدا لە شکانن ئامێر هەناسەگە لەلایەن یەکیگ لە یاوەرەیل بیمارەیل کاریگ نا یاسایی بوی، هەمیش بەسانن هێزە ئەمنیەگان ئەو کەسە وە زەنجیر کاریگ رەتکریاگە و پێشیلكاری رێساگان ماف مرۆڤە.
وتیش: دەسه‌گە داوا لە کۆمسیۆن مافەیل مرۆڤ کەێد وە پیشكه‌شكردن راپۆرت بەش رەوانگەی رووداوەیل پێشیل کاری ک لەی باوەتەو روودا، و دووپاتکرد لەبان داواکاری لە لایەنە پەیوەندی دارەگان وە لێکۆڵینەوەی گشتگیریگ و سزادان تاوانبارەیل. دەسەگە وەچەو یەکسانی نووڕێدە گشت عراقیه‌یل، لە دابینکردن خزمەتە تەندروسیەگان کردانریەێد وە بەش گرنگیگ لە مافەیل مرۆڤ ک دەستوور پاڵپشتی کردگە.
یەکێتی مامۆستایان کوردستان لق کەرکوک، ئمڕوو شەرمەزار پەلامەرەگە لەبان مامۆستایگ کورد کرد ک تووش ڤاێرۆس کۆڕۆنا هاتگە.
یەکێتی مامۆستایان کوردستان لق کەرکوک لە بەیاننامەیگ رەسیە ئاژانس شەفەق نیوز وت: شەرمەزار و رەتکردن سەختیگ کەێد لەو پەلامار ناشرینە ک یەکیگ لە هاووڵاتیەیل کەرکوک کەفتە وەری، و خوەی ئیوەتکەر نەوەیلە و مامۆستای خوەنەواری کوردیە، ک زیندانی کریا و کەلەبچە نانە دەسەیلی وە بەسانەی شەوخەوف ژنەگەی ک لەوەر کۆڕۆنا مردگە، و هەمیش خوەی تووش بیماریەگە هاتگە، لە شیوەیگ دڵ لە خاوەن کردەوگان کرجەو کەێد.
وتیش، ئی پەلامارە وە پەلاماریگ لەبان گشت هاووڵاتیەیل کەرکوک دانریەێد و هەمیش لەبان دەسەی په‌روه‌رده‌، و لەوەختیگ شەرمەزار ئی کارە کەیمن ک هیچ واتەیگ مرۆوی لەناوی نیە، داوا لە گشت لایەنە پەیوەندیدارەیل کەیمن وە لێکۆڵینەوەی راسی ئەرا هاوردنەوەی سەروەری کەسوکار قوربانیەگە.
یەکێتیەگە داوا لە گشت نوێنەرەیل پارێزگاگە لە پەرلەمان کرد وە دەسوەردانیگ زوینە ئەرا چارەسەرکردن ئی سوکایەتیەیلە لەناو سیستم تەندروسی لە شارەگە، و دووپاتکرد لە پشتگیری تەواوەتی و وەردەوامی ئەرا ئی هاووڵاتیە وەرجەیە بوودە مامۆستایگ ئەرا هاوردن مافەیل دارایی و دەروونی.
لە لای خوه‌یانیش نوێنەرەیل لیست یەکێتی نیشتمان کوردستان لە پارێزگای کەرکوک، بانگەواز ئەرا عوسمان غانمی کردن وە لێکۆڵینەوە کردن لە تاوان دەسبەسانن مامۆستایگ وە شەوخەف ژنەگەی ک لەوەر ڤایڕۆس کۆڕۆنا مردگە.
رێبوار تەها نوێنەر لیستەگە لە کەرکوک لە بەیاننامەیگ ئمڕوو وت: مامۆستاگە هابان مەلاک وەڕیەوبەرایەتی پەروەردەی پارێزگای کەرکوک ” محمد کەریم فەقی” هاوسەرەگەی لەوەر تووشهاتنی وەڤایڕۆس کۆڕۆنا لە خەسەخانەی گشتی کەرکوک مرد ، و پۆلیس دەسی بەساگە شەوخەف ژنە مردگەگەی، دویای مرافەیگ وەقسەکردن.
وتیش: ئی رەفتار ناشرین و خراوە لە نوای مامۆستایگ لەی رەوشە لەبان لەدەسچگن هاوسەرەگەی بیجگە دەرچگن وینەیلیگ ئەرا ماڵپەڕەیل پەیوەندی وە میدیاگان، بویە هاندەر شەرمەزارکردن دانیشتوه‌یل کەرکوک، ونەبایەسە لەبانی بیدەنگ بوون.
تەها داوا لە غانمی کرد وەکردنەوەی لێکۆڵینەوەیگ لە رووداوەگە، و سزادان لایەنە وەرپرسەگە لەی كردار و نا رەوشتیە.


Source link

About Hooshyar

Check Also

Hewldanê dewleta Tirk û çeteyan hate astengkirin

Komên çeteyên ser bi artêşa Tirk a dagirker, hewl da bi dizî li ser rêya …

Leave a Reply

Your email address will not be published. Required fields are marked *