هەرێم کوردستان سەندوق خانەنشینی دامەزرنێد

شەفەق نیوز/ حکومەت کوردستان، ئمڕوو چوارشەممە، راگەیان لە دامەزرانن سەندوق خانەنشینی لە هەرێم، وئاماژەدا وە دەرکردن رینمایه‌یلیگ لەباوەت مه‌زرانن لە پۆستە تایبەتەگان.
جووتیار عادل قسەکەر وەناو حکومەت، لە کۆنگرەیگ رۆژنامەوانی ئمڕوو دویای دانیشتن ئەنجومەن وەزیران وت: ئەیە یەکەم جارە لە کوردستان سەندوق خانەنشینی دامەزریەێد، وتیش؛ لە ئەنجومەن وەزیران واژووی یاسای سەندوق خانەنشینی کریا، و خوەی خەڵاتیگە ئەرا ئەوانەگ خزمەت حکومەت هەرێم کردنە لەماوەی ساڵەیل تەمەنیان.
هەمیش وت: حکومەت کوردستان کار خانەنشینیەگە رێکخەێد وه‌ گویره‌ی بنەمای یاسا، و فەرمانبەرکردن لە پۆستە تایبەتەگان وەگورەی مەرجیەلیگ بوود، لەلیان بڕوانامە و ساڵەیل خزمەت، و ئەوسا حکومەت هەرێم پابەندبوود وەی مەرجە، ودیاری کرد ک ئی گامە هەمیش چوودە ناو کارەیل چاکسازی.
عادل وتیش: وەکارهاوردن یاسای کشتوکاڵی هەمیش لە شان کفتوگۆەیل کۆبوونەوەگەی حکومەت هەرێم بوی، ک ئەنجومەنەگە رینما دا ک ئەو زەویلە لە فەرمانگەی عقاری تۆمار نەکریانە، کارەیلیان تەواو بکریەێد و بکریەنە ناو جفتیارەیل.
قسەکەر وەناو حکومەت وتیش: گشت ئی بریارەیلە ئمڕوو لە کۆبوونەوەی ئەنجومەن وەزیرەریل هەرێم واژوو کریان.
ئمڕوو ئەنجومەن وەزیران هەرێم کوردستان، دانیشتنە یاسایەگەی ئەنجامدا وە سەرۆکایەتی مەسرور بارزانی سەرۆک ئەنجومەن وەزیران، وەئامادەبوین قوباد تاڵەبانی جیگر سەرۆک ئەنجومەن وەزیران، و ئەویش لەڕی بازنەی تەلەفزیۆنی بەسیاگیگ وە سیستم ڤیدیۆ کۆنفڕانس.
لە تەوەر یەکەم لە کۆبونەوەگە، ئاوات شێخ جەناب وەزیر دارایی و ئابووری، سیستم ناوخۆی سەندوق خانەنشینی ئەرا فەرمانبەرەیل هەرێم خستە وەردەس، لە چوارچیوەی گامە وەکاریەگان ئەرا جیوەجیکردن یاسای چاکسازی، لەوه‌ر رووشنایی ئەوە ئەنجومەن وەزیران وەبڕ گشتی بڕوا دانە سیستمە ناوخۆیەگەی سەندوق خانەنشینەگە، کە وەشیوەی سەرەکی ئامانج دابینکردن مافەیل خانەنشینەیل هەرێم کوردستان خەێدە وەرچەو، لە گشت چینە فەرمانبەریەگان، وەتایبەت ک داهاتەیل سەندوقەگە بایەسە ئەرا شایستە داراییەگان خانەنشینیەل تەرخان بکریەێد، ومەرجیگ سەندوقەگە ئەنجومەن وەڕیەوبردن داشتوود لە نوێنەریەل وەزارەتە پەیوەندیدارەیل بوون.
لە لایگ تر لە کۆبونەوەگە، ئامانج رەحیم سکرتێر ئەنجومەن وەزیرەیل، یاسای دیاری کردن مەرجەیل فەرمانبەرکردن وەڕیەوبەر گشتی وەرەو بان ، لە چوارچیوەی جیوەجیکردن یاسای چاکسازی، وەگورەی ئی یاسا بایەسە تەماشای مەرجەیل بڕوانامە و ئەزموون و پسپۆری بکریەێد ئەرا ئەوانە ک ئی پلەیل فەرمانبەری بەرزە وەرگرن ك وه‌ گشتی بڕوا وە سیستمەگە دریا.
دویای ئەوە، فالا فەرید خانمە وەزیر هەرێم ئەرا باوەتەیل پەرلەمان، یاسا نووگە خستە وەردەس ئەرا فرووشتن و وەکراداین دارایی و ماڵداری دەوڵەت، ك وە بڕ گشتی بڕوا وەرگرد.
لە تەوەرەی دویایی کۆبوونەوەگە، ئەنجومەن وەزیران بڕوایی دا پێشنیار هاوبەش ک لەلایەن وەزارەتەیل شاه‌وانی و کشتوکاڵ و سامانە ئاویەگان ، ک پەیوەندی دارە وە دەسکردن وە دووارە کارکردن لە جیوەجیکردن ”یاسای رێکخستن مافەیل مامڵه‌ وە زەویە کشتوکاڵیەگان” ژمارە ١ – ساڵ ٢٠٠٨ ، ک قەرەبوو جفتیارەیل کەێد لەوانەگ مەرجەیل یاساگە وەجیهاوردنە، و کارەیلیان وەری نەکەفتگە، تا قەرەبوو بکریەن دویای ووردبینی لە فایلەیلیان و دووپاتکردن لە وەجیهاوردن مەرجە یاسایەگان.
لە پیشنیارە واژوو کریایەگە، کەرتەیل بەشیگ لە هاووڵاتیەی چارەسەر کریەێد، ک لە ساڵەیل گوزەیشتە زەوی وەرگردنە لەری ‘ کارت’ و فەرمانگەی تاپو تا ئیسە نکردیەسەی ناویان، وهەمیش ئی بڕوایی داینە دەرفەتیگ دەێدە هاووڵاتیەیل ئەرا تۆمارکردن کەرتە نیشتیەجیەگان ک لە کۆمەڵە نیشتەجیە وەبەهەمهاوردنیەگان وەناو خوەیان سەنینەسەی، ولەبان ئی بنەما رینمای دریا وەزارەتەیل شاره‌وانی و و کشتوکاڵ و سامانە ئاویەگان، و دادوەری ئەرا زوینەکردن لە وەریخستن کارەیل یاسایی ئی هاووڵاتیەیلە.


Source link

About Hooshyar

Check Also

سەرۆکی شاندەکە دیبلۆماتیەکەمان گەیشتە مەغریب

وەزارەتی دەرەوەی ئیسڕائیل ڕایگەیاند سەرۆکی شاندی دیبلۆماتی ئیسڕائیل لە ڕیبات پۆستەکەی وەرگرت، ئەوەش بەپێی ڕێکەوتنی …

Leave a Reply

Your email address will not be published. Required fields are marked *