ئەپڵ وەشانی iOS 13.6 ـی بە تایبەتمەندی Apple News+ Audio و Car Key feature و زیاترەوە بەردەستکرد

ئای ئۆ ئێس
15, ته‌مموز 2020

ئەمڕۆ کۆمپانیای ئەپڵ وەشانەکانی iOS 13.6 و iPadOS 13.6 ـی بە تایبەتمەندی Apple News+ Audio و Car Key feature و زیاترەوە بەردەستکردن.

هەر وەک چۆن وەشانی iOS 13.5 خاوەن ژمارەیەک تایبەتمەندی دیار بوو، ئەم وەشانەش بە هەمان شێوە، خاوەن تایبەتمەندییەکانی Apple News+ Audio و Car Key feature ـە. لە ئێستادا بۆ سەرجەم بەکارهێنەرانی ئایفۆن و ئایپۆد و iPadOS 13.6 ـیش بۆ سەرجەم ئایپادەکان بەردەستن.

تایبەتمەندی Apple News+ Audio تایبەتمەندییەکی دەنگی نێو هەواڵەکانی خزمەتگوزاری +Apple News ـە، کە توانای هەیە هەواڵەکان بە شێوەی دەنگی بخوێنێتەوە. لە سەرەتادا لە ئەمریکا بەردەست دەکرێت و پشتگیری لە سەکۆی CarPlay دەکات.

هەروەها Car Key ـیش تایبەتمەندییەکی دیکەی نوێی وەشانەکەیە، کە پێگەی 9To5Mac لە وەشانی تاقیکاری iOS 13.4 ـەوە تێبینی کردبوو، تایبەتمەندییەکە لە ڕێگەیەوە دەتوانرێت ئایفۆن و ئەپڵ وۆچەکان وەکو کلیل بۆ ئەو ئۆتۆمبێلانە بەکاربهێندرێن کە پشتگیری لە سەکۆی CarPlay دەکەن. بۆ یەکەمجار لە کۆنگرەی WWDC20 ـی مانگی ڕابردوودا بۆ ئۆتۆمبێلی BMW 5 Series ڕاگەیاندرا.

تایبەتمەندییەکی دیکەی نوێی وەشانەکە بریتییە لە پێوانەکردنی نیشانەکانی وەک سەرئێشە و موچرکە و ئازاری قوڕگ و زیاتر بۆ ئەپی Health.

هەروەها ئەپڵ وەشانەکانی macOS 10.15.6 و tvOS 13.4.8 و watchOS 6.2.8 و audioOS 13.4.8 ـیشی بەردەست کردن.

About ماکوان بەرزان

Check Also

بە فەرمی سیستەمی وەگەڕخەری JingOS وەک یەکەمین سیستەمی وەگەڕخەری دابەشکراوەکانی Linux لە چین نمایش کرا

سیستەمی وەگەرخەر 18, كانونی دووه‌م 2021 هەوڵەکانی ئەپڵ بۆ جیاکردنەوەی ڕیزەکانی ئایپاد لەگەڵ سیستەمێکی وەگەڕخەری …

Leave a Reply

Your email address will not be published. Required fields are marked *