له‌ رووسیا .. رۆبۆتیگ فه‌رمانبه‌ر هاوكاره‌ له‌ نواگرتن بیرۆكراتی

شەفەق نیوز/ دیارە ک بڵاوبوین ڤایرۆس کۆرۆنا، و سەختی بڵاوبوین و گواستنەوەی، هێشت دەوڵەتەیل و کۆمپانیایلیگ هەوڵ بیەن داهێنان لە کار و رەفتار پەیا بکەن، تا هان مەردم بیەن ئەرا دویرەوکەفتن لە رەفتار راستەخۆ وەگەرد یەک، وەتایبەت لە رەفتارەیل وەڕیەوبردنی.
ئایەمیگ رۆبۆت ئاسا وە شیوەی ژنیگ فەرمانبەر، پێشکەش خزمەتی کەێد ئەرا جەماوەرەگە لە سیبیریای رووسیا.
ئی فەرمانبەر ئامێریە، خاوەن قژ هویل دریژیگە و چەوەیل قاوایی، خزمەت کڕیارەیل کەێد لە شار بێرم لە خوەرهاڵات مۆسکۆ.
تا ئیسە خوەی لە دەرکردن بڕوانامەیل دادوەری، و بڕوانامەی وە وەکارنەهاوردن لەهووشبەرەگان ک لە رووسیا داواکریاگە دەسمیەت دەێد ئەرا تەواوکردن هەر کاریگ یاسایی.
ئەو کۆمپانیاگە ک پڕۆژەی ‘ بڕۆموبوت’ جیوەجیکرد وت: ئایەمە ئامێریەگە دروسکرد تا وەشیەوەی ژن رووسی ئاساییگ دیار بیەێد، و رەسیە روخسار دەمچەوەگە لە ری زیرەکی دەسکرد، له‌ شوون شیکردنەوەی روخسار هەزاران ژن.
کۆمپانیاگە وتیش: ژنە فەرمانبەرە ئامێریەگە، ک دڵنگ فەرمی کردیەسە وەری وەپی کار کەێد، کراس چەرمگیگە ولە بانی قاواییە، تویەنێد ٦٠٠ جوور دەمچەوی ئاڵشت بکەێد ، وجوولەی چەوەیلی و برویەیلی و دەمی و دەمارەیل دەمچەوی ک پووشیایە وە چەرم دەسکرد.
هەمیش تویەنێد پرسیارە گشتیەگان ئاڕاستە بکەێد، و وڵامیان بیەێد، و ئامێر وینەگردن و چاپکردنیش هاپیەو.
لیونید جرومۆف وەڕیەوبەر نووسینگەی تۆمارکردن وت: ژنە فەرمانبەرە ئامێریەگە پەیوەندیدارە وە بنەمای بەیاننامەیل بەڵگەنامە، و تویەنێد گشت کارەیل فەرمانبەریگ لە نووسینگەگە ئەنجام بیەێد.


Source link

About Hooshyar

Check Also

Kanada Vaksîna Pfizer – BioNTechê bo Zarokên 12-15 Salî Dipejirîne

Kanada destûr da vaksîna vîrusa korona ya Pfizer – BioNTechê ku ew bo zarokên temenên …

Leave a Reply

Your email address will not be published. Required fields are marked *