لە پێکدادان و تەقینەوەیەکدا لە دامەزراوەیەکی حکومی ئەفغانستان دەیان کەس برینداربوون


بەرپرسانی ئەفغانی ئاماژەیان بەوەدا دوای تەقینەوەی ئوتومبێلێک لە دامەزراوەیەکی حکومی لە هەرێمی سمنکان لە باکووری ئەفغانستان پێکدادان لەنێوان کۆمەڵێک چەکدار و هێزەکانی ئاسایشدا ڕوویداوە و زیاتر لە 40 کەس برینداربوون.

بەرپرسانی ئەفغانستان وتیان هێرشەکە لە دامەزراوەیەکی حکومی لە بایبکی پایتەختی سمنکان ڕوویداوە کە دەکەوێتە نزیکی ئۆفیسی بەڕێوبەرایەتی ئاسایشی نیشتیمانی ( دەزگای هەواڵگری سەرەکی وڵاتەکە.)

هێشتا ڕوون نیە ئامانج لە هێرشەکە کێ بووە و کێش بەرپرس بووە لێی.

بەڕێوبەری کەرتی تەندروستی هەرێمەکە خەلیل موسەدەق وتی لە هێرشەکەدا 43 کەس لە هاوڵاتیانی مەدەنی و هێزەکانی ئاسایش برینداربوون و پێدەچێت ژمارەکەش زیادبکات.

ئەم هێرشەش لەکاتێکدایە توندوتیژییەکان لە ئەفغانستان لە زیادبووندان و هاوکات ئەمەریکاش هەوڵدەدات حکومەتی ئەفغانستان و تاڵیبان ناچار بکات گفتوگۆی ئاشتی بکەن لەنێوانیاندا بەمەبەستی کۆتای هێنان بە جەنگی ناوخۆی ئەفغانستان کە 18 ساڵە بەردەوامە.

سەرچاوە/ ڕۆیتەرز


Source link

About Hooshyar

Check Also

ڤاکسینەکەمان بۆ کۆڤید-19 کاریگەری بەسەر هەردوو جۆرە نوێـیەکەی بەریتانیا و ئەفریکای باشوریش هەیە

هەردوو کۆمپانیای فایزەر و بایۆنتێک ڕایانگەیاند ئەو ڤاکسینەی لە دژی کۆڤید- 19 بەرهەمیان‌هێناوە، کاریگەری هەیە …

Leave a Reply

Your email address will not be published. Required fields are marked *