بڕیاریگ حکومەتی وە خەڵاتکردن خاوەن قوربانیەیل ناڕەزایەتیەگان تەشرین

شەفەق نیوز/ سەرچەوەیگ حکومەتی، ئمڕوو یەکشەممە، خەوەردا و ئامادەکردن لیست ناو قوربانیەیل ناڕەزایەتیەگان تەشرین یەکەم ٢٠١٩ ، وئاماژەدا لە بڕیاریگ حکومەتی خاوەن ٦٠٠ شەهید خەڵاتکریه‌ن.
سەرچەوەگە ئەرا ئاژانس شەفەق نیوز وت: دەسەیگ تایبەت وە قوربانیەیل خۆپیشاندەرەیل وەسەرپەرشتی هیشام داوود راوێژکار سەرۆک وەزیران، تەواو لیستەیل کرد وەناو ئەو شەهیدەیلە ک لە خۆپیشاندانەگەی تەشرین یەکەم ٢٠١٩ كوشیان.
سەرچەوەگە دیاری کرد؛ ک دەسەیگ لیستەگان دەێدە دەس سەرۆکایەتی ئەنجومەن وەزیران، ئەرا بڕیار دەرکردن وفەرمان داین ئەرا وەزارەت دارایی وە تەرخان کردن پویل و خەڵاتکردن خیزانەیل ئەو قوربانیەیلە ک لە خۆپیشاندانەگان کەفتن.
سەرچەوەگە ئاماژەدا: ک ٦٠٠ خیزان شەهید لەلایەن حکومەت خەڵات کریەن.
موستەفا کازمی سەرۆک وەزیران، لە سەرەتای مانگ گوزەیشتە، چەویکەفتە ژمارەیگ لە خاوەن کوشیایەیل خۆپیشاندانەگان دژوە چین سیاسی حکومڕان، و پەیمان دا وە سزاداین ئەوەگ دەسی هاناو کوشتن خۆپیشاندەرەیل.
کازمی ئاماژەدا وە دروسکردن تیمیگ سەروەخوە ئەرا مینەکردن راسیەگان وەگورەی رینما وەزارەتیەگە ک ئەنجومەن نوێنەران واژوی کردگە، لەباوەت گشت رووداوەگان عراق لە تەشرین یەکەم ٢٠١٩ ، و هەرچەگ کار توندوتیژی وەگەردی بوی، ک بویە هووکار کوشتن و زەخمداری عراقیە ناڕازیه‌گان وهێزە ئەمنیەگان.
هەمیش دیاری کرد ک ئی لێکۆڵینەوەیلە دەسکردە داناین لیست وردیگ ئەرا شەهیدەگان، ویەکیگ تر ئەرا زەخمداریەل، ئەرا ئەوەگ بکەفنە وەر چەودیری دەوڵەت، و قەرەبوو کردن خیزانەیلیان.


Source link

About Hooshyar

Check Also

Her bingehek leşkerî dê aramanca êrîşên me be

Enstitûya Karên Ewlehiya Netewî ya Îsrail her sal konferansek nevnetewî li dar têxe. Îsal jî …

Leave a Reply

Your email address will not be published. Required fields are marked *