کازمی چەودیری دوو مەرز سنوری وەل ئیرانەو کەێد

شەفەق نیوز/ سەرچەوەیگ خۆجێی لە دیالە ئمڕوو شەممە، خەوەردا ک موستەفا کازمی سەرۆک وەزیران چەودیری مەرزەیل مەنزەریە لەخانەقین و سومار لە مەنەلی کرد لە بان سنورەگە وەل ئیران.
سەرچەوەگە ئەرا ئاژانس شەفەق نیوز وت: کازمی لەناو فڕۆکەیگ سەربازی چەودیری مەرزەگان کرد، ولەسەردانەگە نوورستە پلان و ئارام کردن دوو سنورەگە لەلایەن دەسوەران خێرای فیدڕاڵی و چەسپانن سەروەری یاسا، و قەیەغەکردن کارەیل گەندەڵی وقاچاخی لە هەر لایەنیگ، ودیاری کرد ک کازمی فەرمان دا هێزەگان وە پاڵپشتی ریکارە ئەمنیەگان، و قەیەغە کردن هەر کاریگ بازرگانی لە دەیشت چوارچیوەی یاسا.
لەلای خوەییش دەزگای مەرزە سنوریەگان، ئمڕوو شەممە، خەوەردا ک موستەفا کازمی سەرۆک وەزیرەیل دووارە مەرز سنوری مەنەلی کردەو ئەرا گواستنەوەی بازرگانی وەل ئیران.
ولە بەیاننامەیگ رەسیە ئاژانس شەفەق نیوز وت: کازمی وەگەرد عومەر عەدنان وائلی وەرپرس دەسەی مەرزە سنوریەگان چەودیری مەرز سنوری مەنەلی کردن، ئەرا گواستنەوەی بازرگانی نیمچە ره‌سمی وەگەرد ئیران.
بەیاننامەی مەرزەگان لە زوان سەرۆک وەزیران وت: سەردانەگەمان ئەرا مەرزەگە پەیام ئاشکرایگە ئەرا گشت گەندەڵەیل، ک شوون پا ئەرایان نیە لە گشت مەرزە سنوریەگان، و بایەسە گشت فەرمانگەگان دژوە گەندەڵی کار بکەن، چوونکە داواکاری جەماوەریە.
کازمی سەردانەگەی ئەرا مەرز مەنەلی جوور پەیام ئاشکرایگ دانا ئەرا گشت گەندەڵەیل ک ئیوە هەسی نەیرین، ودووپاتکرد لە ئامادەکردن پلانە توکمەگان ئەرا دژایەتییان و بایەسە گشتی شانوەشان یه‌ك بوون ئەرا ئەنجام داین ئی داواکاریە.
کازمی وتیش: دەسڵات دایمنە وەرپرس دەزگای مەرزە سنوریەگان ئەرا دژایەتی گەندەڵەیل و وەشوون کەفتنیان لە گشت مەرزە سنوریەگان.


Source link

About Hooshyar

Check Also

هەوڵەکان بۆ ئاگربەست لە یەمەن نەگەیشتوونەتە ئەنجام

نوێنەری تایبەتی نەتەوە یەکگرتووەکان بۆ یەمەن مارتن گریفیث وتی هەوڵەکان بۆ گەیشتن بە ئاگربەست لە …

Leave a Reply

Your email address will not be published. Required fields are marked *