هەولێر لە ریکارەیل نوو راگەینێد ئەرا قەیەغەی هاتووچگن ناو پارێزگاگان

شەفەق نیوز/ فرسەت سوفی پارێزگار هەولێر، رووژ شەممە، راگەیان لە مەنین قەیەغەی گواستنەوە وەل پارێزگاگان لەناو و دەیشت هەرێم کوردستان، وئاماژەدا ک سەردانکەرەیل پارێزگاگە لە خاڵەگان و مەرزە سنوریەگان لە دەیشت و ئاسمان لە دانیشتوەیل هەولێر یا ئەوانە نیشتەجیی دیرن کەفنە ژیر تاقیکردنەوەی پزشکی لە خەرج خوەیان، ئیجا مووڵەت وەناوهاتن وەرگرن.
سوفی لە وتاریگ ئەرا رۆژنامەنووسەیل دویای کۆبونەوەی شانەی قەیران دژوە ڤایڕۆس کۆرۆنا وت؛ گشت شوونەگان دویای ساعەت ١٢ی شەو بەسیەن تا ساعەت پەنج شەوەکی، چوونکە فرە لە خەڵکەگە لەی ماوە کرکەن ،و ژیان و گوزه‌ران لە پارێزگاگە فرە سەختەو بویە .
و دیاری کرد ک قەیغەی جوولە لە هەولێر و ئەو پارێزگاگان لە ناو و دەیشت هەرێم کوردستان هەر جوور خوەی مینێد، و تكا کەیمن لە هەرکە خوازێد وەرەو خاڵەیل دەورگرد پارێزگاگە باێد، بیلا ناێد تا دەسپاچەی ئیمەو خوەی نەکەێد، چوونکە وەناوهاتن قەیەغەس.
سوفی هەمیش وت: سەردانکەرەیل لەو وڵاتەگان لە مەرزە سنوریەگان لە دەیشت و ئاسمان کەفنە ژیر تاقیکردنەوەی پزشکی لەبان دارایی خوەیان، وە نرخیگ گونجیاگ ک وەڕیەوبەرایەتی تەندروسی هەولێر میکانزمیگ ئەرا ئەوە دانا، لە پەنجشەممەی ئایندە دەسوەپی کەێد.
هەمیش وت: ئەو شوونەیلە ک لە گوزەیشتە بڕیار بەسینیان دریا، هەر وە بەسیاگ مینێد، و جەخت کرد لەبان گرنگی پابەندبوین وە ریکارە مقەیەتیەگان، و باج ناین لەبان ئەوانەگ پابەند نیین لە وەکارهاوردن دەمامەک ودەسکیش، لە شۆفێر تەکسیەگان وخاوەن دوکان و بازاڕەگان و گشت شوونەگان.


Source link

About Hooshyar

Check Also

Li Tirkîyê Xebatkarên Saxlemîyê Behsa Pirsgirêkên Xwe Dikin

Li Tirkîyê hejmara zêde ya pêketî û mirinên pandemîya vîrusa korona didomin. Li gor pêzanînên …

Leave a Reply

Your email address will not be published. Required fields are marked *