دادگایگ ئەمریکی پابەند ئیران کەێد وە قەرەبوو گەورایگ ئه‌را سعودیە

شەفەق نیوز/ دادگایگ ئەمریکی، بڕیاریگ دەرکرد وە پابەندکردن ئیران وە قەرەبوو داینیگ بایی ٨٧٩ مەلیۆن دۆلار ئەرا قوربانیەگان لە تەقینەوەیگ لە ئامانجکردن هێزەیل ئەمریکا ساڵ ١٩٩٦ لە شار خەبەر سعودی. تەقینەوەگە وەرجە ٢٤ ساڵ بوی، ولەتی ١٩ ئەمریکی کوشیا و زیاتر لە ٣٠٠ كه‌س زەخمداربوی.
وەگورەی ئاژانس”فڕانس پڕیس” بڕیارەگە وەرپرسایەتی تەقینەوەگە خستە بان ئیران، ک بویە هووکار کوژیان وزەخمداربوین سەدان لە هێزەیل ئاسمانی ئەمریکی.
دادوەر بیریل هۆیل وه‌رپرس دەزگای دادوەری لە دادگای فیدڕاڵی ناوچەی واشینتون ئاماژەدا ئەرا بەڵگەنامەیل وەرینیگ لە بڕیارەگەی ک ئیران وە دەسمیتکەر حزبولڵا دانا، لە جیوەجیکردن پەلامار توندیگ ك بویە هووکار لە کوشتن ١٩ کەس و زەخمداری سەدان.
دادوەرەگە لە بڕیارەگەی لە ٢ تەمووز، ک دویەکە جومعە رایگەیانن، فەرمان دا وە قەرەبوو داین ئەرا ١٤ سەرباز ئەمریکی ک کەفتنە وەر پەلامارەگە ، و هەمیش ٢١ کەس لە خیزانەیلیان.
لەلای خوەییش؛ ئیدارەی دۆناڵد تڕامپ سەرۆک ئەمریکی، پێشوازی کرد لە بڕیارەگە لەبان ئیران، هەرچەن ئیران دەسوەردانی لە تەقینەوەگە رەت کرد، و هەمیش رەتکرد لە هەر قەرەبووداینیگ.
مۆرگان ئۆرتیگاس قسەکەر وەناو وه‌زاره‌ت دەرەوەی ئەمریکا پێشوازی کرد لە بڕیارەگە، و داناگەی وە ئەنجامدەر عەداڵەت، ئەرا بڕیگ لە قوربانیەیل تیرۆر ک ئیران پشتگیریی کەێد.
ئاماژەیە ک پەنجەیل توومەتباری لە تەقینەوەگە ئاراستەی حزبولڵای سعودی کریا، ک کومەڵیگە لە کەمینە شیعەگەی سعودیە. پەلامارەگە وە ماشین باریگ ئەنجام دریا ك ته‌قه‌مه‌نی باری کریاوید، و نزیک کۆمەڵگەی تاوەرەیل خەبەر تەقیا، ک هەیشت قاتە، لەورا هێزەیل سعودی وخوەرئاوایی جیگر بوین.


Source link

About Hooshyar

Check Also

Dastanên Dengbêjîyê – Xec û Sîyabend (1) (Youtube)

Dastanên Dengbêjîyê – Xec û Sîyabend (1) (Youtube) Source link

Leave a Reply

Your email address will not be published. Required fields are marked *