شانەی قەیرانەگە هووشداری دەێد کارەسات کۆڕۆنا لەبەغداد جیگر بوود

شەفەق نیوز/ شانەی قەیرانەگە لە پەرلەمان عراق، ئمڕوو پەنجشەممە، هووشداری دا لە کارەسات ڤایڕۆس کۆڕۆنا لە بەغداد پایتەخت وەخاتر وەزارەت کەهرەبا.
پەرلەمانتار عەباس علێوی ئەندام دەسەگە ئەرا ئاژانس شەفەق نیوز وت: ناوچەیلیگ هەس لە بەغداد لە مەترسیدارترین ناوچەگان دانریەێد لە پەتای ڤایڕۆس کۆڕۆنا، و ئی ناوچەیلە زیان وەخوەیان دوینن لەوەر کەهرەبا بڕین، و بایەسە وەزارەت کەهرەبا وەتایبەتی وەلیانەو رەفتار بکەێد، چوونکە تەنیا یەک ساعەت کەهرەبا ئەرایان رەسێد.
علێوی وتیش؛ هەزاران تووشهاتگ لەی ناوچەیلە هەس، و فرەی دانیشتوەیلی کەرەنتین ماڵی کردنە، وتیش ؛ کەهرەبا بڕینەگە کاریگەری لەبان تەندرسییان دیرێد.
هەمیش وت: روبەر ماڵەیل ناوچە جەماوەریەگان فرە بویچگە، و لەمەوقەی کەهرەبا بڕین، لەوەر گەرمی تووشهاتگەگە لەماڵ دەرچوود، ک بوودە کارەسات تەندروسی وگواستنەوەی پەتاگە وەشیوەیگ مەترسیدار، و هووشداریدا لە کارەساتیگ راستەقینە لە بەغداد، ک پەتاگە وەیشیەوە بڵاوه‌وبوود له‌ ناو گشت پایتەخت.
وەرجەیە، حەسەن کەریم کەعبی جیگر یەکەم سەرۆک ئەنجومەن نوێنەران داوا لە وەزارەت کەهرەبا کرد ئه‌را چارەسەرکردن قەیران بڕین کەهرەبا لە گشت ناوچەیل بەغداد و پارێزگاگان، وهەمیش خەسەخانەو ناوندە تەندروسیەگان، و پرسیارکرد ئایا چوون گەلەگەمان سەرکەفتن لە بان کۆرۆنا وەدەس بارێد، و پابەندبوود وە قەیەغەگە لە سای بڕین هەمیشەیی کەهرەبا؟


Source link

About Hooshyar

Check Also

هەوڵەکان بۆ ئاگربەست لە یەمەن نەگەیشتوونەتە ئەنجام

نوێنەری تایبەتی نەتەوە یەکگرتووەکان بۆ یەمەن مارتن گریفیث وتی هەوڵەکان بۆ گەیشتن بە ئاگربەست لە …

Leave a Reply

Your email address will not be published. Required fields are marked *