HDP’ê Dest bi Qonaxa Duyê ya Têkoşîna Demokrasîyê Kir

Partîya Demokratîk ya Gelan (HDP) ragihand ku wê di têkoşîna demokrasîyê de dest bi qonaxa duyê kir.

HDP’ê di 15’ê Hezîranê de, ji Colemêrgê û Edîrneyê dest bi “Dijî Derbeyan Meşa Demokrasîyê” dest bi qonaxa yekê kiribû û di 20’ê wê mehê de li baxçê parlamana Tirkîyê ew çalakî bi dawî kiribû.

Hevserokên HDP’ê Pervîn Buldan û Mîthat Sancar, parlamanter û rêvebirên wê li hewşa parlamanê civîyan û bi daxuyanîyeke naveroka bernama têkoşîne eşkere kirin.

Sancar got ku di ewê di qonaxa duyan de “Hevdîtinên Demokratîk” pêk bînin. ”Ez bang li bîragiştî û rêxistinên demokratîk dikim ku em berxwêdana xwe bilind bikin û bi hevre bibin hêzeke damezirîner.”

Parlamanterê HDP’ê Îmam Taşçier got ku ew vê care ji Enqerê destpê dikin û ewê serdana hemî sazî û rêxistinên demokratîk yên li seranser Tirkîyê bikin.

“Desthilata Tirkîyê her tişt xistiye destê xwe û li ser gel zor û zextî pêk tîne. Em wek HDP’ê, vê helwesta desthilatîyê napejirînin. Ev pêngava me ya duyê dijderketina wê yekê ye. Heta ku em bigîhejin armanca xwe emê çalakîyên xwe bidomînin.”


Source link

About Hooshyar

Check Also

Ezê Piştî Qanûna Bingehîn ya Nû Seroktîyê Berdim

Serokomarê Belarûsê Aleksandr Lukashenko dîyar kir ku ewê piştî qanûna bingehîn ya nû seroktîyê berde. …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *