هەپەگە كوژران و برینداركردنی ژمارەیەك سەربازی توركیای راگەیاند

ناوەندی چاپەمەنی و راگەیاندنی هێزەكانی پاراستنی گەل(هەپەگە) دوێنێ‌ دوو شەممە راگەیەنراوێكیان بڵاوكردەوە و تێیدا ئۆپراسیۆن و چالاكیی هێزەكانیان دژ بە سوپای توركیا خستۆتە ڕوو.

جەختیش كراوەتەوە لەسەر كوژران و برینداركردنی ژمارەیەك سەربازی توركیا و تێكشاندنی ژمارەیەك مۆڵگە و بەرگریی سوپای توركیا.

راگەیەنراوەكە ئەوەشی ئاشكرا كردووە كە هێزەكانی پاراستنی گەل زنجیرەیەك چالاكی و ئۆپراسیۆنیان لە چەند شوێنێك لەدژی سوپای توركیا ئەنجامداوە.

بەگوێرەی راگەیەنراوەكە، دوێنێ‌ دوو شەممە هێزەكانیان لەیەكەم چالاكییاندا هێرشیان كردۆتە سەر مۆڵگەیەكی سوپای توركیا لەدەوروبەری تەل شەهید ئادار توانیویانە سەربازێك بكوژن و ژمارەیەكی تریش بریندار بكەن.

هەروەها هێزەكانیان مۆڵگەیەكی سەربازیی سوپای توركیایان لەدەوروبەری ناحیەی جارجلی كردۆتە ئامانج و سەربازێكی توركیایان كوشتووە.

هەمان رۆژ هێزەكانی هەپەگە هێرشیان كردۆتە سەر چەند مۆڵگەیەكی سەربازەكانی توركیا لەناوچەی تەل خەركول لەناحیەی چولەمێرگ و خاپوورییان كردووە، بەڵام زیانەكانی سوپای توركیا تا ئێستا نەزانراوە.

لەچوارەم چالاكییاندا، هەپەگە بنكەیەكی سەربازیی سوپای توركیایان لەناحیەی ئەلباك لە ولایەتی وان كردۆتە ئامانج و توانیویانە بەرگرییەكانی سوپای توركیا لەو بنكەیە تێك بشكێنن و ژمارەیەك سەبازی توركیا بكوژن و بریندار بكەن.

PUKmedia بەدواداچوون


Source link

About Hooshyar

Check Also

سوید بەنیاز نییە پێش پەسەندکردن ڤاکسینی کۆرۆنا بکڕێت – Radio Sweden Kurdish – ڕادیۆی سوید – Radyoya Swêdê

بەرهەمهێنانی ژمارەکەی زۆر ڤاکسینی کۆرۆنا دەستی پێ کردووە و بەریتانیا لە هەفتەی داهاتووەوە دەست بە …

Leave a Reply

Your email address will not be published. Required fields are marked *