مووچەی زیاتر لە ١٠٠ فەرمانگە به‌ش كریه‌ید

شەفەق نیوز/ بانکەیل حکومەتی رافدەین و رەشید، ئمڕوو سەشەممە، راگەیانن لە دابەشکردن مووچەی ژمارەیگ لە فەرمانگەیل دەوڵەتەگە لە بەغداد پایتەخت و پارێزگاگان.
وەڕیەوبەرایەتی بانک رافدەین لە بەیاننامەیگ ك رەسیە ئاژانس شەفەق نیوز وت: بانکەگە مووچەی بەشیگ لە فەرمانبەرەیل پەروەردە دا، دویای رەسین چەکەیلیان. وتیش: خەرجکردنەگە لە ری ئەلیکتڕنیەو بوود ” ماستەر کارت” و فەرمانبەرەیل تویەنن لە هەر شوونیگ وەری بگرن.
لەلای خوەییش بانک رەشید لە بەیاننامەیگ ك رەسیە ئاژانس شەفەق نیوز وت: لقەگانی وەردەوامن وە خەرجکردن مووچەی فەرمانبەرەیل فەرمانگە دەوڵەتیەگان ک مووچەیلیان لەلای بانکەکە جیگرە. ئمڕوو چەک خەرجەگەیان هات، و دیاری کرد ک کەرت خەرجکردن ئەلیکتڕۆنی مووچەی زیاتر لە ١٠٠ فەرمانگە لە بەغداد و پارێزگاگان داگە، وهەمیش بڕیگ لە ئەو فەرمانگەیلە ک وەدەس مووچە وەرگرن.
وتیش؛ کادرەیل بانکەگە زەحمەت خوەیان کیشن تا دیروه‌خت شەوه‌یل ئەرا دیرنەکەفتن خەرج مووچەگان.
وتیش؛ ئەو فەرمانبەرەیلە ک کارت ئەلیکتڕۆنی دیرن تویەنن مووچەیان وەربگرن لە لقەیلمان لە بەغداد و پارێزگاگان یا لە یەکیگ لە نووسینگەیل ( نەخیل ماستەرکات ) هەنای پەیام رەسین مووچەگە وەرگرن.


Source link

About Hooshyar

Check Also

“Navenda diaspora wê kurdên derve bêhtir parçe bike!” – Radio Sweden Kurdish – ڕادیۆی سوید – Radyoya Swêdê

بەشی کوردیی ڕادیۆی سوید ڕۆژانی دووشەممە تا هەینی لە سەعات ١٦:٣٠ فایلێکی پۆد لەسەر …

Leave a Reply

Your email address will not be published. Required fields are marked *