تۆڕێكی تیرۆرستانی داعش دەستگیردەكرێن

ئاژانسی هەواڵگری وەزارەتی ناوخۆ تۆڕێكی تیرۆرستانی داعشی بەشداربوو لەتیرۆركردنی ئەفسەرێكی پۆلیسی فیدڕاڵی لەسەلاحەدین دەستگیركرد.

وەزارەتی ناوخۆ،لەڕاگەیەنراوێكدا كە وێنەیەكی دەست PUKmedia كەوتووە، رایگەیاند: هێزێك لە ئاژانسی هەواڵگری بە بەشداری حەشدی شەعبی وپۆلیسی ناوخۆ لەشارۆچكەی یەسربی پارێزگای سەلاحەدین توانییان تۆڕێكی داعش دەستگیربكەن كەپێكهاتووە لە11 تیرۆرست لەنێویشیاندا دوو ئافرەت هەن و بەپێی ماددەی 4ی تیرۆر بەهۆی ئەندامێتییان لەڕێكخراوی تیرۆرستی داعش داواكراو بوون.

وتیشی: ئەم تۆڕە تیرۆریستە هەستاوە بەتیرۆركردنی فەرماندەی فەوجی دووی پۆلیسی فیدڕاڵی و یەكێك لەناودارەكانی پارێزگاكە كەیارمەتی هێزە ئەمنییەكانی داوە لەشارۆچكەی یەسرب. 

دووپاتیشیكردەوە: تیرۆرستان دانیان بەتاوانەكە و ژمارەیەك كردەوەی تیرۆرستی دژی هێزە ئەمنییەكان و هاوڵاتیانیان ناوە، هەروەها لەكاتی داگیركردنی شارۆچكەكە لەلایەن تیرۆرستانی داعشەوە، بەزەبری هێز پارەیان لەهاووڵاتیان سەندووە.

راگەیەنراوەكە دووپاتیشیكردەوە: پرۆسەی دەستگیركردنی تیرۆرستان بەپشت بەستن بەدانپێدانانی تیرۆرستێك بووە كەپێشووتر دەستگیركراوە،ئەوەیشی خستەڕوو: وتەی تاوانباران تۆماركراوە و ڕەوانەی لایەنە پەیوەندیدارەكان كراون بۆ تەواوكردنی ڕێوشوێنە یاساییەكان لە دژیان.

PUKmedia 


Source link

About Hooshyar

Check Also

Gelê Asûr/Sûryan/Keldan damezirandina PKK’ê pîroz kir

MOP’ê di daxuyaniya niviskî de de got, ”Em li ser navê gelê Asûr/Sûryan/Keldan salvegera 42’yan …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *