وه‌زیری په‌روه‌رده‌: له‌م مانگه‌دا تاقیكردنه‌وه‌كان ده‌ستپێده‌كات

وه‌زیری په‌روه‌رده‌ی حكومه‌تی هه‌رێمی كوردستان له‌ كۆنگره‌یه‌كی رۆژنامه‌وانیدا رایگه‌یاند، له‌ 11ی ئه‌م مانگه‌دا تاقیكردنه‌وه‌كانی كۆتایی پۆلی 12ی ئاماده‌یی ده‌ستپێده‌كات.

د.ئالان حه‌مه‌ سه‌عید وه‌زیری په‌روه‌رده‌ی حكومه‌تی هه‌رێمی كوردستان رایگه‌یاند، به‌پێی رێنماییه‌كانی ته‌ندروستی تاقیكردنه‌وه‌كانی كۆتایی پۆلی 12ی ئاماده‌یی له‌ 11-7-2020 له‌هه‌رێمی كوردستان ده‌ستپێده‌كات .

وتیشی: هه‌موو ئاماده‌كارییه‌كمان كردوه‌ كه‌ خوێندكاران له‌ كه‌شێكی ئارامدا تاقیكردنه‌وه‌كان ئه‌نجامبده‌ن و داوا له‌دایكان و باوكان ده‌كه‌ین له‌ئێمه‌ زیاتر هاوكاری خوێندكاره‌كانیان بن.

ئه‌وه‌شی خسته‌ڕوو: به‌سوپاسه‌وه‌ داوامان له‌چه‌ند زانكۆیه‌ك كردوه‌ كه‌ هۆڵه‌كانیان بۆ تاقیكردنه‌وه‌كان به‌كاربهێنین و ئه‌وانیش ره‌زامه‌ندییان نیشانداوه‌و بۆ خۆپارێزی زیاتر به‌شێك له‌خوێندكاران له‌و هۆڵانه‌ تاقیكردنه‌وه‌كان ئه‌نجامده‌ده‌ن.

ئاماژه‌ی بۆ ئه‌وه‌شكرد، هه‌ر خوێندكارێك له‌كاتی تاقیكرنه‌وه‌كان توشی ڤایرۆسی كۆرۆنا بوو، هه‌روه‌ها ناوی له‌ وه‌زاره‌تی ته‌ندروستی وه‌ك توشبوو تۆمار كرابوو، له‌ 1-9-2020 ده‌توانێت تاقیكردنه‌وه‌كان ئه‌نجامبدات، ئه‌گه‌ر له‌و كاته‌شدا هه‌ر ته‌ندروستی باش نه‌بوو خولێكی تایبه‌تیان بۆ ده‌كه‌ینه‌وه‌و له‌و كاته‌دا وه‌ك مافێكی خۆیان ده‌توانن تاقیكرنه‌وه‌كان ئه‌نجامبدات.

PUKmedia تایبه‌ت


Source link

About Hooshyar

Check Also

Hêzên Şehîd Delal 27’ê Mijdarê silav kirin

Navenda Ragihandin û Çapemeniyê ya HPG’ê daxuyaniyeke niviskî da û got,”Hêzên Hewayî yên Şehîd Delal …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *