لە دیالە وەکۆڕۆنا ۷ كه‌س مردن وزیاتر لە ۷۰ تویشهاتن

شەفەق نیوز/سەرچەوەیگ پزیشکی لە دیالە، روژ پەنجشەممە، ڕاگەیان ۷٤ تویشهاتگ و ۷ مردن وە ڤایرۆس کۆرۆنا تۆمار کردیمنە .
سەرچەوە پزشکیەگە ئەرا ئاژانس شەفەق نیوز وت”، تاقیکاری ئەڕا ۲٥۹ کەس کردیمنە لە تاقێگەی تەندروستی گشتی لە بەعقوبە تا دوێەکە چوارشەممە ۱ تەمموز ۲۰۲۰ ولە ئەنجامەگان دەرکەفتگە ک ۷٤ حاڵەتیان پۆزەتیڤە دابەش بویە لەسەر شار وشارەدێگان دیالە .
وهەرلیوا سەرچەوەگە وتیش، لە تویشهاتگەگان ۳حاڵەت لە کارمەندەیل پزشکی بویە و۱۹ کەسیان لە بەشەگان تەندروستی ویاریدەر پزیشکی و تاقێگەگان وبەشە جیوازەگانتر.
سەرچەوەگە وتیش؛ ک لە ٤ ئادارەو تا ئیسە بڕ تویشهاتگەیل رەسیە ۱٥۰۰ حاڵەت لەلیان ۲٤٥ لە کارمەندەیل تەندروسی و ۹۱ پزشک وکارمەند دەرمانخانە .
هەمیش وت: ۷ مردن نو لە دیالە تۆمار کریا، ودەریشخست ک لە ۲۲ ئادار گوزەیشتە تا ئیسە مردگەیل کۆرۆنا رەسیە ۹۰ حاڵەت ،ویەکی لەوانە پزیشکیگ بویە.
وهەمیش وت؛ ژمارەی خاسەوبویەیل ۲۱ کەسن‌، وەیەوە لە ۱۰ ئادار گوزەیشتە تا ئیسە ڕەسیەسە ٦٦۱ حالەت خاسەوبوین.
سەرچەوەگە ئاماژە کرد ک ئیسە ۷٤۹ بیمار ها لە ژیر چەودێری پزشکی لە (ماڵ میوانداری و تەندروستی گشتی وشەهید یاسین سەعدی بیماری و کەرەنتینەی ماڵ )
سەرچەوەگە دووپات کرد ک پاریزگای دیالە دویەمە لە ئاست عراق لە فرەیی مردگەیل کۆرۆنا وئی ئامارە وە مەترسیدار دوینید لە بان ئی پارێزگا .
سەرچەوەگە ئەرا ئاژانس شەفەق نیوز هەمیش وت”ئامارە ناوەندیەگان ئەڕا مردگەیل کۆرۆنا وە پێی ئەنجامەگان ئاماروەزارەت تەندروسی نیشانداگە ک ژمارەی مردگەیل لە دیالە ٥.٨٪ بویە و ئەیەیش دویەمە لە ئاست عراق دویای رەسافە ک بویە. ۳. ٦ ٪ .
ئەڕا ئەوەیش چالاکوانە مەدەنێەگان لە دیالە داواکردن کۆنفرانسیگ رۆژنامەوانی ئەنجام بدریەێد لە لایەن شانەی قەیرانەگان دیالە ئەڕا دەرخستن هووکار بەرزەو بوین مردگەیل کۆرۆنا بەراوەرد وە شارەگان تر .
سەرچەوەیگ تەندرووستی لە دیالە دووپات کردگە لە وەختیگ وەرین ک فرەی لە مردگەیل لە دویای مردنیان رەسینەسە بیمارستان و فرەی تویشهاتگەیل لە وەختیگ فرە دیر ڕەسینە دویای تویشهاتنیان لە ترس ئەوەی کەس وەبیمارییان نەزانێد ، وبەشیگیان نزیک بوینە لە مردن لەوەر کۆرۆنا یان بیماریەیل تر.


Source link

About Hooshyar

Check Also

Cenazeyê şervana YPJ’ê Esma Ehmed li Minbicê hat veşartin

Şervana YPJ’ê Şehîd Esma Ehmed (Rîtac) li Şehîdgeha Minbicê hat veşartin. Şêniyên Minbicê cenazeya şehîd …

Leave a Reply

Your email address will not be published. Required fields are marked *