دوواره خۆپیشاندان كریا لەناوڕاس بەغداد

شەفەق نیوز/ سەرچەوەیلیگ خۆجێی لە بەغداد پایتەخت عراق، ئمڕوو چوارشەممە، خەوەردان لە دووباره‌وبین خۆپیشاندان و ناڕەزیەتیەگان وە داواکردن خاسەوکردن سیستمەگە و سزادان گەندەڵەیل.
سەرچەوەگە ئەرا ئاژانس شەفەق نیوز وت: دەیان كه‌س لە خوپیشاندەرەیل مەیدان تەحریر له‌ شەوەکی ئمڕوو گردەو بوین، لە نزیک جادەی خێرای محمد قاسم، وەبی هیچ ری بڕینیگ.
وتیش: هێزە ئەمنیەگان هانە ئەولا وەبی هیچ چەکیگ.
لە تەشرین یەکەم ساڵ گوزەیشتە، بڵویزەی خوپیشاندانەگە لە بەغداد و ژمارەیگ لە پارێزگا شیعەگان دەسکردە پی لەناوڕاس و باشوور عراق، لە ناڕەزایەتی لەبان خراوی رەوش ئەمنی و خزمەتگوزاری و خراوی گوزه‌ران، وزیابوین ژمارەی بیکارەیل لەناو گەنجەیل، و بڵاوبوین گەندەڵی دارایی و وەڕیەوبردنی لە دامەزراوەیل دەوڵەت و فەرمانگەیلی.
راده‌ی داواکاریەگان بەرزەوبوی ئەرا رمانن حکومەت وپەڕلەمان و دویرەوخستن گشت حزبە بەشدارەگان لە ئۆپراسیۆنە سیاسیەگە لە ساڵ ٢٠٠٣ تا ئیسە. دویای ئەو توندوتیژی و په‌لامارە ک کەفتە بان ناڕەزایەیل، و دەیان کوشیاگ و سەدان زەخمدار لەلیان کەفتەو. ئی خۆپیشاندانەیلە هیشت عادل عەبدولمەهدی وەل کابینە حکومەتیەگەی دەس له‌كار بكیشن ، تا لەشوون چەن مانگیگ ناکۆکی سیاسی ئه‌را پەسەنکردن کاندیدەیل دویاجار حکومەت موستەفا کازمی جیگیر بوود.


Source link

About Hooshyar

Check Also

Keçeke ji Kobanî li ser asta Sûriyê di Kickboxê de bû yekem (Youtube)

Keçeke ji Kobanî li ser asta Sûriyê di Kickboxê de bû yekem (Youtube) Source link

Leave a Reply

Your email address will not be published. Required fields are marked *