حکومەت هەرێم وەتەنیا مەرجیگ لەباوەت سنورەگان گفتگو كه‌ید

شەفەق نیوز/ سەرچەوەیگ لە حکومەت کوردستان، سێشەممە، ئاشکراکرد لە نەڕەسین بەغداد و هەولێر ئەرا هیچ شیوەی رێککەفتنیگ ئەرا چارەسەرکردن گرفتە گیرهاتگەیل، له‌ شوون سێ جار دانوستان لە ماوەیل گوزەیشتە. جەخت ناکۆکیەگان هابان بەشەگەی هەرێم لە بوودجە دارایەگان، و شایستەیل هێزەیل پێشمەرگە، و فروشتن نەفت، و ناوچە دابڕیایەگان ک گریەبەسە وە مادەی ١٤٠ لە دەستور هەمیشەیی عراق.
سەرچەوەگە ئەرا ئاژانس شەفەق نیوز خەوەردا؛ وداواکرد ناوی ئاشکرا نەوود لەوەر ناسکی زانیارەگان: شیوەی گفتوگۆەگەی ئیسە مزگانی خاسیگ نیەێد، و وەرەو ری بەسیاگیگ بەێدەمان لە چارەسەرکردن ئەو گیچەڵەیلە.
هەمیش وت: وەداخەو ک حکومەت کازمی بەندە دەستوریەگان وەرانوەر کورد جیوەجی نیەکەێد، ک فرەی گفتوگۆەیل دویایین جەخت کردە بان تەقەلای بەغداد ئەرا کۆنتڕۆڵ کردن مەرزە سنوریەگان لە هەرێمەگە، ولەیەرا ئی کارە رەت کەێمن، و وە هێڵ سووریگ دانەیمنەی، ک هەڵوێستمان مەنیە ئەرا مسۆگەرکردن مافەیل گەل کوردستان، جوور ئەەوەگ وەل حکومەتەیل وەرین عراقی بوی.
سەرچەوە حکومەتیەگە وت: هەر وەختیگ حکومەت عراقی تویەنست کۆنتڕۆڵ ئەو مەرزە سنوری و فڕۆکه‌خانەو بەندەرەیل بکەێد، ئەو مەوقە حکومەت هەرێم ئامادەس ئەرا باسکردنیگ یاسایی لەی باوەتە ک مافەیل گەلەگەمان مسۆگەر بکەێد.
لەباوەت مووچەی فەرمانبەرەیل هەرێمەگە، سەرچەوەگە وت: هەڵسیان بەغداد وەی کارە لەبان هیچ بەنەمای دەستوری یا یاسایی نیە، بەڵکم جەختیگە سیاسی، حکومەتەگە تواێد بخەێدەی بان باوەتەیل ناوچە دابڕیایەگان، وباوەت فروشتن نەفت، وەداخەو ک ئەیە چەواشه‌كاری سیاسییگە.
وتیش: چوون لە ئەرک حکومەتەگەس خەرج مووچەیل بەسرە و بەغداد بکەێد، هەر وەوجوورە بایەسە خەرج ئه‌را مووچەیل هەرێمەگە بکەێد، و وەکاری نارێد جوور کارتیگ سیاسی، و دەس حکومەت کوردستان پیچەو بیەێد. ئەگەر کازمی خود سیاسەتەگەی مالکی و عەبادی وەکار تیەرێد، ئی کارە شکست خوەێد وله‌ بەرژەوەنی عراق نیه‌.
دووپاتیش کرد؛ حکومەت هەرێم وەردەوام تەقەلا دەێد ئەرا چارەسەرکردن گشت گرفتەیل گیرهاتگ وەل بەغداد، لە ری گفتوگۆکردن لەبنەمای دەستور عراقی.
ئی هەڵوێست حکومەتیە، لە پشت وەخت کوڵیگ تیەێد لە کۆبونەوەی مەسرور بارزانی سەرۆک هەرێم کوردستان، ئمڕوو سێشەممە، وەگەرد شاند دانوستانكار وەل حکومەت فیدڕاڵی، و ئەویش لە ری بازنەیگ تەلەفزیۆنی وە سیستم ڤیدیۆ کۆنفڕانس.


Source link

About Hooshyar

Check Also

Danûstandinên Kurdî-Kurdî rawestiyan, em mercên ENKSê qebûl nakin

PeyamaKurd – Endama Desteya Serokatiya Partiya Yekîtiya Demokratîk (PYD) Foza Yûsif got ku ji ber mercên ENKSê, diyaloga kurdî gihîştiye …

Leave a Reply

Your email address will not be published. Required fields are marked *