ئاکەپە پرۆژە یاسایەک بۆ گۆڕانکاری لە رێکخراوەکانی پارێزەران پێشکەش بە پەرلەمان دەکات


پارتی دەسەڵاتدار لە تورکیا رۆژی سێشەممە پرۆژە یاسایەکی پێشکەش بە پەرلەمان کرد بۆ گۆڕانکاری لە سیستمی یەکێتیەکانی پارێزەران ئەوەی نەیارانی دەڵێن پرۆژە یاساکە سەربەخۆیی و هەژموونی پارێزەران لاواز دەکات.

ئەگەر پەرلەمانی تورکیا کە ئاکەپە تیایدا زۆرینەیە پرۆژە یاساکە تێپەڕێنێت، ئەو کاتە تەنیا ڕێگە بە پێشەوەرانی یاسایی دەدرێت کۆمەڵەی خۆیان دابمەزرێنن بەو مەرجەی هەر کۆمەڵەیەک لە 2 هەزار ئەندام کەمتر نەبێت.

ئاکەپە دەڵێت ئەو گۆڕانکاریـیانە پێشبڕکێ لە بواری یاساییدا دێنێتە ئاراوە ، بەڵام پاریزەران دەترسن لەوەی پرۆژە یاساکە بە ئەندازەیەکی زۆر دەسەڵاتی چاودێری کۆمەڵەکانی یاسایی کە هەیانە لاوازبکات ، هەندێک لەوانە بە رەخنەگرتن لە حکومەتی تورکیا ناسراون.

لە راگەیەندراوێکدا رۆژی دووشەممە ئەنجومەنی پارێزەران و کۆمەڵەکانی یاسای ئەوروپای بنکە لە برۆکسل داوای لە تورکیا کرد خۆی بەدوور ڕاگرێت لە گرتنەبەری هەر ڕێوشوێنێک کە کاریگەری لەسەر سەربەخۆیی و بێلایەنی و ئازادی ڕادەربڕینی پیشەی یاسایی دەبێت .

هەفتەی رابردوو پۆلیس لە دەرەوەی ئەستەنبوڵ ڕێگری کرد لە ئەنجامدانی ڕێپێوانێکی ناڕەزایی ئەندامانی ژمارەیەک لە ڕێکخراوی پـیشەوەری یاسایی لە دژی ئەم پـرۆژە یاسایە. پاشان پارێزەران شێوازی ناڕەزایەتیـیەکەیان بۆ مانگرتن گۆڕی هەتا ئەو کاتەی کاربەدەستان بۆ ڕۆژی دوایی ڕێگەیان پـێدان بچنە ناو شارەکەوە.

ئاکەپە خوازیارە یاساکە پەسەندبکرێت بەر لەوەی کۆمەڵەکانی پارێزەران لە مانگی دە هەڵبژاردنەکانیان ئەنجام بدەن.

سەرچاوە: ئاژانسی فرانس پرێس


Source link

About Hooshyar

Check Also

Cenazeyê şervana YPJ’ê Esma Ehmed li Minbicê hat veşartin

Şervana YPJ’ê Şehîd Esma Ehmed (Rîtac) li Şehîdgeha Minbicê hat veşartin. Şêniyên Minbicê cenazeya şehîd …

Leave a Reply

Your email address will not be published. Required fields are marked *