Breaking News

کۆمەڵێک چەکدار هێرش دەکەنە سەر بۆرسەی پاکستان


پۆلیسی پاکستان دەڵێت کۆمەڵێک چەکدار هێرشیان کردۆتە سەر بینای بۆرسەی شاری کاراچی و چوار کەس لە چەکدارەکان کوژراون.

ڕاپۆرتی ڕاگەیاندنەکان ئاماژەیان بەوەدا چەکدارەکان بە نارنجۆک و چەکەوە هێرشیان کردۆتەسەر بیناکە کە دەکەوێتە شوێنێکی پارێزراوە و ژمارەیەکی زۆر لە ئۆفیسی بانکە تایبەتیەکانی تێدایە.

سەرۆکی پۆلیسی کاراچی غوڵام نەبی مەئمون بە ڕۆیتەرزی وت ” چوار لە چەکدارەکان کوژراون، بە ئوتومبێلێکی جۆری کۆرۆلای سیلڤەر هاتبوون.”

سەرەتا چەکدارەکان نارنجۆکیان هەڵداوە و دواتر تەقەیان لە شوێنی ئاسایشەکانی دەرەوەی بیناکە کردووە، لەمیانەی پێکدادانەکەدا هێزەکانی ئاسایش چوار کەسیان لە چەکدارەکان کوشتووە.

سوپای پاکستان وتی دوو کەسی دیکەش کوژراون.

لەلای خۆیەوە بۆرسەی پاکستان وتی ” هێشتا لێکۆڵینەوە لە بارودۆخەکە دەکرێت، بەڕێوبەرایەتییەکە یارمەتی هێزەکانی ئاسایش دەدات و ڕەوشەکە لەژێر کۆنتڕۆڵدایە.”

تاوەکو ئێستا هیچ لایەنێک بەرپرسیارێتی هێرشەکەیان ڕانەگەیاندووە. پاکستان لە مێژە دەناڵێنێت بەدەست گروپە توندڕەوە ئیسلامییەکانەوە بەڵام لەمساڵانەی دواییدا هێرشەکان کەمتربوونەتەوە.

سەرچاوە/ ڕۆیتەرز


Source link

About Hooshyar

Check Also

Delighted about this online meeting. The UK makes a major military contribution to the coalition supporting @Kurdistan Region and the Government of #Iraq in the continuing fight against Daesh. Sadly that battle is not yet won. @CJTFOIR

Delighted about this online meeting. The UK makes a major military contribution to the coalition …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *