عراق یەکەمین گام نەێد ئەرا وەرگردن چارەسەری کۆڕۆنا

شەفەق نیوز/ دەسەی باڵای تەندروسی و سەلامەتی، ئمڕوو دووشەممە، بڕیاردا لە فەرمانداین وە وەزارەتەیل تەندروسی و ناوخۆ ئەرا پەیوەندی وەگەرد ئەو دەوڵەتەیلە ک راگەیاننە لە رەسینیان ئەرا چارەسەرکردن ڤایڕۆس کۆرۆنا. ئەویش لە کۆبونەوەیگ ئەرا دەسەگە وە سەرپەرشتی موستەفا کازمی سەرۆک وەزیران، وەگورەی بەیننامەیگ لە نووسینگەی کازمی.
کازمی لە پێشەکی کۆبونەوەگە وت: ئی سەختیە ك هاته‌ بان عراق ئه‌را نواگردن پەتای کۆڕۆنا له‌ ئه‌نجام سەختیه‌یل گوزه‌شته‌س ك هەڵەی وەڕیەوبردنەگان ئاشکراکرد. ساڵه‌یل فره‌یه‌گ خراوی وەڕیەوبردن کەڵەکەبوی، دویاجار سەختیه‌یل و زیانەگان فرەوە کرد.
سەرۆک وەزیران دووپاتکرد؛ ک ئی سەختیە خستەمان نوای تەنیا پەسەنیگ، ئویش کارکردن وەردەوام و دڵسوزانە ئەرا نواگردن و وەکارهاوردن گشت تواناگان، ئەرا خزمەت تووشهاتگەیل، و نواگیری لە بڵاوبوین بیماریەگە.
لە کۆبونەوەگە ئی بڕیارەیلە دەرچگ:
١/ رەزامەنی لەبان ئامادەکردن شایستەیل دارایی پێویست ئەرا وەزارەت تەندروسی، لەری گواستنەوە وەگورەی فەرمان یاسای وەڕیەوبردن دارایی ژماره‌ ٦‌ ئەرا ساڵ ٢٠١٩ .
٢/ ئەنجامداین كاره‌ پێویستەگان له‌ لاین وەزارەت تەندروسی و کاردە پزشکیەگان، لە ری فەرمانبەرکردن یا گریەبەس. وەمەرجیگ ک مووچە وکراده‌سته‌یلیان لەری گواستنەوە دابین بکریەێد، لە بان بنەمای فەرمان مادەی ٢٥ لە یاسای وەڕیەوبردن دارایی فیدڕاڵی ژماره‌ ٦ ئەرا ساڵ ٢٠١٩ .
٣/ بایەسە فەرمانگە یاساییەگە لە ئەمینداریەتی گشتی ئەنجومەن وەزیران یاسایگ دانەێد ئه‌را داین مووچە وه‌ خاوه‌ن مردگەیل به‌ش پزشکی و تەندروسی ك لە ئەنجام نواگردن ڤایڕۆس کۆرۆنا گیان به‌خشین، وه‌ مووچەی خانەنشینی، بایه‌د له‌ ئاست دویاترین مووچە و شایستە بوود ک وەری گردنە.
٤/ ریداین وە بەشێگ لە تاقێگە تایبەتەگان ک جیمتمانه‌ن، وە ئەنجامداین تاقیكاریە تایبەتەگان وە ئاشکراکردن ڤایڕۆس کۆرۆنا، وەگەرد مسۆگەرکردن فرەترین ژمارە لە هاووڵاتیەیل، وەگوەرەی بریاره‌یلێگ سەخت ك وەزارەتەگە دانەێدەی وە هەماهەنگی وەگەرد دەسەی راوێژکارەیل.
٥/ دویاخستن وەرگردن پویل بوتڵ ئۆەکسجینەگان لە وەزارەت تەندروسی، تا رەوش دارایی وەزارەتەگە خاسەوبوود.
٦/ وەزارەتەیل تەندروسی و دەرەوە هەماهەنگی کەن وەگەرد لایه‌نه‌یل پەیوەندیدار لەو دەوڵەتەیلە ک راگەیانن لە ئەگەر رەسینیان ئەرا چارەسەری ڤایڕۆس کۆرۆنا. هەمیش دانوستان كه‌ن ئەرا وەرگردن عراق لەو دەرمان و پێویستیه‌ پزشکیە، وشیەوەیگ مسۆگەر وسانن ژمارەی مردگەیل بكا، وەگورەی سیاسه‌تكاریه‌‌یل ناسریاگ وەزارەت تەندروسی.
٧/ بایەسە کۆمپانیه‌ گشتیەگان خاوەن قانجاز، وئەو دامەزراوەیلە ک وەسیستم سه‌روه‌خوەی دارایی کارکەن، پشتیوانی وەزارەت تەندروسی بكه‌ن ئه‌را كوششه‌یلی لە نواگردن پەتاگە، وەمەرجیگ ئەو پویلەیلە ک لە ناوهاوریایەگان وەرگرن لە لایەن وەڕیبەرایەتیەیل تەندروسی گشتی لە پارێزگاگان و ئەرا سەنین دەرمان وپێویستیە پزشکیەگان وە سەنین راستەخۆ وه‌كاری بارن.
٨/ دیاریکردن مەوقەیل نیمچە قەیەغەگە لە ساعەت هەفت ئیوارە تا ساعەت شەش شەوەکی، وەگورەی زیایبوین ساعەتەیل روژ.
٩/ بایەسە گشت فەرماندەیل ئۆپراسیۆنەگان لە بەغداد وپارێزگاگان، جیوەجی ریکارەیل قەیەغەگە وە ووردی بکەن، و فەرماندەیل و لایەنە پەیوەندی دارەگان وەرپرسی یاسایی لە هەر پێشیلکردنیگ هەڵگرن.
١٠/ رەزامەنی دریه‌ید لە هاوردن پێکهاتەی ئۆکسجین لە گشت مەرزە سنوریەگان.
١١/ وەخشین کارمەنەیل کۆمپانیای عەرەویەگە ئەرا دروسکردن دەرمان ( ئاکای) لە ریکارەیل قیەغەی هاتووچگنەگە، ئەرا مسۆگەرکردن وەردەوامی بەرهەمهاوردن، و دابینکردن داخوازیه‌یل وڵاتەگە لەو دەرمانەیلە.
١٣/ سەرۆک ئەنجومەن وەزیرەیل فەرماندا وە ئەمینداریەتی بەغداد و وەڕیەوبەرایەتی وەرگری مەدەنی ئه‌را هەڵمەتەیل گەورای تەمیسکردن لە بەغداد وئەو ناوچەیلە ک رێژەی بەرزێگ لە تووشهاتن تۆمارکردنە.


Source link

About Hooshyar

Check Also

60 ji Sedê Amerîkîyan Performansa Seroktîyê ya Biden Diecibînin

Anketeke dawî raber dike ku 60 ji sedê Amerîkîyan performansa Serok Joe Biden ya heta …

Leave a Reply

Your email address will not be published. Required fields are marked *