بارگاویکەرەوە و بیستۆکی بە وایەر لە پاکەتی ئایفۆنە نوێیەکانی ئەمساڵدا بوونیان نابێت – کەی ئای تی ئێن

ئەپڵ
29, حوزه‌یران 2020

بە پێی دەنگۆیەکی نوێ بێت، پێدەچێت کەلوپەلی زۆر لە نێو پاکەتی ئایفۆنە نوێیەکانی ئەمساڵدا بوونی نەبێت.

پێشبینیکەری بەناوبانگ، Ming-chi Kuo، ڕایگەیاندووە کە ئەپڵ لە پلانیدایە ئایفۆنە نوێیەکانی ئەمساڵ بە بێ هەبوونی بارگاویکەرەوە و بیستۆکی بە وایەرەوە بەردەست بکات و دەیەوێت ئەو دوو کەلوپەلە بە جیا بفرۆشێت، وە تەنانەت دەڵێت لە کۆتاییەکانی ئەمساڵدا بارگاویکەرەوە لە پاکەتی مۆبایلی نوێی iPhone SE دەردەهێنێت.

ئامانجی ئەپڵ لەمە لەوەدایە کە دەیەوێت پاکەتی ئایفۆنە نوێیەکان بچووک بکاتەوە و نرخی گەیاندنیش بە هۆیەوە کەم ببێتەوە. ئەمە لە کاتێکدایە کە دەنگۆی زیادبوونی نرخی ئایفۆنە نوێیەکانی ئەمساڵ بە هۆی پشتگیرییان لە 5G لە ماوەی ڕابردوودا هەبوو.

لە ئێستادا بیستۆکی بە وایەری EarPods و بارگاویکەرەوەی 5 واتی USB-A لە نێو پاکەتی iPhone 11 و SE، وە بارگاویکەرەوەی 18 واتی USB-C لە نێو پاکەتی iPhone 11 Pro و iPhone 11 Pro Max ـدا بوونیان هەن.

هەروەها Kuo ئەوەشی ئاشکرا کردووە کە ئەپڵ گەشە بە بارگاویکەرەوەی 20 واتی دەدات بۆ ئایپادە نوێیەکانی ئەمساڵ یاخود ساڵی داهاتوو.

About ماکوان بەرزان

Check Also

بە فەرمی مۆبایلی Poco M3 بە پاتری قەبارە 6000 مللی ئەمپێر.کاتژمێرییەوە نمایش کرا

شاومی 24, تشرینی دووه‌م 2020 ئەمڕۆ لقی سەربەخۆی کۆمپانیای شاومی (پۆکۆ) سێیەمین نەوەی لە زنجیرەی …

Leave a Reply

Your email address will not be published. Required fields are marked *