وەرەنج خەڵکەگەی.. خانەقین خەسەخانەیگ تایبەت وە کۆرنا دروس کەێد

شەفەق نیوز/ ئمڕوو یەکشەمە، سەرچەوەیگ ئەرا ئاژانس شەفەق نیوز لە قەزای خانەقین خەوەردا لە تەواوکردن خەسەخانەیگ تایبەت ئەرا تووشهاتگەیل پەتای کۆڕۆنا لە شار خانەقین، وەرەنج و خۆبەخشانەی خەڵک شارەگە.
سەرچەوەگە هەمیش وت: ئمڕوو، خەسەخانەگە وە دەور ٥٠ شەوخەف و شیوەی دروسکردن نوویگ تەواوبوی، ئەرا کەرەنتین گومان تووشهاتگەیل کۆڕۆنا.
لە لای خوەییش دلێر حەسەن سایە قایمقام قەزای خانەقین، ئمڕو، لە ماڵپەڕ قایمقامیەت قەزای خانەقین لە فەیسبووک راگەیان ک بونیاد خەسەخانەگە دریادەس وەڕیەوبەر خەسەخانەی گشتی خانەقین، ئەرا پڕەوکردنی وە پێویستە تەندروسیەگان، تا ئامادە بوود ئەرا وەرگردن بیمارەیل لە رووژەیل هاتگ.
قایمقامەگە هەمیش رێز ودەسخوەشی کرد لە گشت خۆبەخشەیل ک بوینە هووکار دروسکردن ئی خەسەخانە وە شیوەیگ نوو.
سەرچەوەیگ تەندروسی لە خەسەخانەگە ئەرا ئاژانس شەفەق نیوز وت: شایەت ئی خەسەخانەی نووە وەکارباێد ئەرا ئەوانەگ گومان لە تووشهاتنیان بوود، تا ئەوەنە ئەنجام تاقیەگان تیەێدەو، چوونکە ئەگەر بوودە خەسەخانەیگ ئەرا کەرەنتین تووشهاتگەیل وە ڤایڕۆس کۆڕۆنا، بڕیگ پزشک و کادر و پێویستی تەندروسی خوازێد، ک هیمان لە قەزاگە ژمارەیگ وەگورەی ئەوە نیە، بەڵکم فرە لە بار خەسەخانەگە سوکەو کەێد، و هەمیش ئەرا ئایندە دویای لەناوبردن پەتاگە بوودە هووکار خاسیگ ئەرا وەری خستن بیمارەیل شارەگە.
جی باسە؛ وەگورەی ئاشکرا کردن راگەیانن خەسەخانەی خانەقین لە ئاماریگ تووشهاتنەگان شارەگە، ک دویاترین ئاماری لە رووژ جومعەی گوزەیشتە بوی ک ئاماژەداگە وە تۆمارکردن ١٣ تووشهاتگ وەکۆرۆنا دووانیان ئەرا کادر پزشکی و تەندروسی بوی ویەکیگ ئەرا کارمەنیگ لە خەسەخانەگە، وئەواکانیش ئەرا خەڵکەگە بوی. یه‌ له‌وه‌ختێگه‌ ك هیمان تووشهاتگەیل رەوانە شار بەعقوبە کریەن.


Source link

About Hooshyar

Check Also

پلانەکانی کوتانی بەکۆمەڵ بە ڤاکسینی کۆڤید 19 رووبەڕوی ئاستەنگی گەورە دەبێتەوە

سەرۆک وەزیرانی بەریتانیا، بۆرس جۆنسن ئەو زانایانەی کە ڤاکسینەکانی ڤایرۆسی کۆرۆنایان بەرهەمهێناوە ، بە هێزەکانی …

Leave a Reply

Your email address will not be published. Required fields are marked *