لە ترس کارساتیگ و ئەرا نواگردن کۆڕۆنا هەولێر ریکارەیلیگ زیاندار راگەینێد

شەفەق نیوز/ فرسەت سوفی پارێزگار هەولێر، یەکشەممە، خه‌وه‌ر لە رێوشۆینەیلیگ نوو لە پایتەخت هەرێمەگە دا ، ئەرا نواگردن لە بڵاوبوین ڤایڕۆس کۆڕۆنا.
سوفی لە کۆنگرەی رۆژنامەوانییگ وەل دلۆڤان جەلال وەڕیەوبەر گشتی تەندرەسی هەولێر، ک ئاژانس شەفەق نیوز ئامادەی بوی وت: ئەو ریکارەیلە ک ئیسە بریاگە توانای کۆنتڕۆڵ کردن بڵاوبوین ڤایڕۆسەگە نەیرێد، چوونکە ئاماژەیل مەترسیداریگ هەس، وئەگەر بڕیگ ریکارەیل گرنگ نەوەیمن ئه‌وسا کارساتیگ تیەێدە تویشمان.
وتیش: ئەراوە ئمشەو بڕیگ بڕیار سەخت بەیمن، ودڵنیا کەیمن ک ئیمە بەرژەوەنی گشتی خەیمنە وەرچەو، وئەگەر ریکارەگان نەوەیمن ئەوسا رەوشەگە لە کۆنتڕۆڵمان دەرچوود.
هەمیش وت: ئەو بڕیارەیلە ک بریەێد، لە ساعەت ١٢ لە سوو نیمەڕوەگەی دەسکەێمنەپی، ئی بڕیارەیلە زیانمان دەێد وەلی ناچاریمن لەلی، چوونکە بایەسە تەندروسی وسەڵامەتی هاوولاتیەیل بخەیمنە وەرچەو.
سوفی بەسانن خاڵ وەشکینەگان راگه‌یان وەشیەوەیگ یەکجاری وەل پارێزگایل هەرێمەگە لەلاییگ و پارێزگایل عراقیەگان لەلاییگ تر، و هەمیش گشت وەخشینەگان پویچەڵ کریەێد.
پارێزگار هەولێر هەمیش باس پێشکەشکردن یەکیگ لە خەیرخوازەیل کرد ک وە بایی ٣٠٠ هەزار دۆلار بەخشیە، ورەوانە کریاگە ئه‌را فەرمانگەی تەندروسی هەولێر.
لەلای خوەییش، دلۆڤان جەلال وەڕیەوبەر گشتی تەندروسی هەولێر وت: رەوش پارێزگاگە وە شیوەی گشتی وەرەو بەرزەوبوین تووشهاتنەیلە، و هەمیش فرەی تووشهاتگەیل چەودێری ورد خوازن، ئەراوە رەوشەگە تونده‌وکردن ریکارەگان خوازێد لە پێناو کۆنتڕۆڵ کردن پەتاگە.
وتیش ئیسە ٤٢٨ تووشهاتگ دیریمن، و مردگەیل رەسینە ٢٣ كه‌س.


Source link

About Hooshyar

Check Also

Meclîsa Ciwanên: Em serî natewînin

Meclîsa Ciwanên Partiya Demokratîk a Gelan (HDP), têkildarî zextên li ser rêxistina xwe û destgîrkirinên …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *