دەسەیگ پەڕلەمانی ئەرا کازمی.. تو وەی کارە پابەندبوو

شەفەق نیوز/ دەسەی پلانسازی و چەودیری بەرنامەی حکومەتی لە پەرلەمان عراق، شەممە، موستەفا کازمی سەرۆک وەزیران وە پابەندكرد وه‌ رەوانەکردن یاسای بوودجەی ساڵ ٢٠٢٠ ئەرا ئەنجومەن نوێنەران، وەرجە تەواوبوین روژ ٣٠ حوزەیران ئیسە، وە پێچەوانەی ئەوە خوەی خەێدە وەر سزا.
محمد بەلداوی ئەندام دەسەگە، ئەرا ئاژانس شەفەق نیوز وت: پەڕلەمان عراقی، دەنگدا وە پابەندی حکومەت عراقی، وەسەرۆکایەتی موستەفا کازمی، لە رەوانەکردن یاسای بوودجەی ساڵ ٢٠٢٠ ئەرا پەڕلەمان، وەرجە کۆتایی رووژ ٣٠ حوزەیران ئیسە.
وتیش: وەپێچەوانەی ئەوە، وە پێشیل کردن بڕیارەیل پەڕلەمان دانریەێد، و رێوشۆینەیلیگ بوود ئەرا میوانی کردن و سزادان و ریکارەیلیگ تر.
بەلداوی دیاری کرد ک رەوانە نەکردن یاسای بوودجەی ساڵ ٢٠٢٠ ، هیلێد فەرمانگە خزمەتیەگان، یەکەمیان جوور تەندروسی، خزمەتەیل خوەیان پێشکەش نەکەن، چوونکە دەسپیچگ یاسایی نیە ئەرا خەرجکردن پویلیان، و خەرج کردنەگە ئەرایان فرە كه‌مه‌و بوود، واتە ئەو فەرمانگەگ بایەسە ١٠٠ مەلیۆن دینار عراقی وەربگرێد، کەمتر لە ٧ مەلیۆن دینار عراقی دریەێدەپی.
عراق تا ئیسە بوودجەی دارایی ئی ساڵە بڕیار نەیاگە، لەوەر قەیران ناڕەزایەتیەگان ک هیشت حکومەت وەرین وەسەرۆکایەتی عادل عەبدلمەهدی لە دویادویای ساڵ گوزەیشتە دەس بکیشێدەو.


Source link

About Hooshyar

Check Also

Cenazeyê şervana YPJ’ê Esma Ehmed li Minbicê hat veşartin

Şervana YPJ’ê Şehîd Esma Ehmed (Rîtac) li Şehîdgeha Minbicê hat veşartin. Şêniyên Minbicê cenazeya şehîd …

Leave a Reply

Your email address will not be published. Required fields are marked *