ماڵئاوا Intel، لەمەودوا ئەپڵ چیپی Apple Silicon ـی تایبەت بە خۆی بۆ ماکەکان بەکاردەهێنێت

ئەپڵ
23, حوزه‌یران 2020

دوێنێ و لە میانەی بەڕێوەچوونی کۆنگرەی WWDC 20 ـدا، ئەپڵ ڕایگەیاند کە لەمەودوا چیپی تایبەت بە خۆی بۆ ماکەکانی بەکاردەهێنێت.

چیپە نوێیەکەی ئەپڵ ناوی Apple Silicon ـە و بە تایبەت لە لایەن خۆیانەوە دیزاین کراوە، خاوەن یەکەی ناوەکی و گرافیک و کۆنتڕۆڵی SSD و بنچینەی زیاترە، هەروەها خاوەن بزوێنەری Neural Engine ـی تایبەت بە ئەپە Machine Learning ـەکانە.

هەروەها ئەپڵ ڕایگەیاند کە ئەم چیپە لەسەر سەرجەم زنجیرەکانی کۆمپیوتەرەکانی ماک کار دەکات، بە دیسکتۆپ و لاپتۆپەوە. بەمەش بە تەواوی ماڵئاوای لە چیپەکانی کۆمپانیای Intel کرد، کە بۆ ساڵانێکە پشتیان پێ بەستبوو.

لە وەشانی نوێی macOS Big Sur ـدا، پێشتر ئەپڵ ئەپی Final Cut Pro ـی بە پشتگیری لە پڕۆسێسەرە نوێیەکەوە نوێکردبووەوە. هەروەها ڕێگە بە گەشەپێدەران دەدات کە لە ئێستاوە کار لەسەر گونجاندنی ئەپەکانیان بۆ چیپە نوێیەکە بکەن. ئەپڵ ڕایگەیاند کە هاوبەشێتییان لەگەڵ کۆمپانیاکانی Adobe و Microsoft ڕاگەیاندووە تاوەکو ئەپەکانیان بە پشتگیری لەم چیپە نوێیەی ماکەکانەوە نوێ بکەنەوە.

ئەپڵ دەڵێت بە هۆی تەکنەلۆژیای Rosetta 2 ـەوە، ئەپەکان خودکارانە و لە ماوەی پڕۆسەی جێگیربوونیان لە App Store ـەوە، پشتگیری لە چیپە نوێیەکە دەکەن و بێ کێشە لەسەری کار دەکەن، بەمەش هیچ پێویست بە نوێکردنەوەی ئەپەکان لە لایەن درووستکەرانیەوە ناکات، بەڵام گەشەپێدەران دەتوانن خۆکارانەش پشتگیری ئەپەکانیان زیاد بکەن.

کۆمپانیاکە ڕایگەیاند کە گەشەپێدەران دەتوانن خۆیان تۆمار بکەن بۆ پڕۆسەی Developer Transition Kit بۆ بەدەستهێنانی ئامێرێکی Mac mini ـی تایبەت بە گەشەپێدانی ئەپەکانیان بۆ چیپی Apple Silicon.

چاوەڕوان دەکرێت لە کۆتاییەکانی ئەمساڵدا ئەپڵ یەکەمین ماک بە هەبوونی چیپی Apple Silicon ـەوە بەردەست بکات.

About ماکوان بەرزان

Check Also

بە فەرمی مۆبایلی Poco M3 بە پاتری قەبارە 6000 مللی ئەمپێر.کاتژمێرییەوە نمایش کرا

شاومی 24, تشرینی دووه‌م 2020 ئەمڕۆ لقی سەربەخۆی کۆمپانیای شاومی (پۆکۆ) سێیەمین نەوەی لە زنجیرەی …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *