شاند حکومەت هەرێم کوردستان دەسکەێدە سێیەم هەڵمەت دانوستان لە بەغداد

شەفەق نیوز/ شاند حکومەت هەرێم کوردستان وە سەرپەرشتی قوباد تاڵەبانی جیگر سەرۆک وەزیرەیل هەرێم، ئەرا تەواوکردن دانوستان وەرین، لەباوەت چارەسەرکردن ناکۆکیەگان و باوەتە گیەرهاتگەگان وەگەرد حکومەت فیدڕاڵی ، رەسیە بەغداد پایتەخت.
و ئەیە سێیەم جارە ک شاندەگە وەسەرپەرشتی قوباد تاڵەبانی سەردان بەغداد بکەێد، ئەرا باسکردن لە چارەسەری گرفتەیل.
شاندەگە پێکهاتگە لە: ئاوات شێخ جەناب وەزیر دارایی و ئابووری، خالید شوانی وەزیر ناوچە کوردستانیەگان دەیشت هەرێم، کەمال محمد ساڵح وەزیر کەهرەبا، دارا رەشید وەزیر پلانسازی، ئومێد سەباح سەرۆک دیوان ئەنجومەن وەزیرەیل، ئامانج رەحیم سکرتێر ئەنجومەن وەزیرەیل، و گەرد شاندیگ پیشەیی ک نوێنەرایەتی ئەو وەزارەتەیل هەرێم کەێد.
سەمیر هەورامی قسەکەر وەناو قوباد تاڵەبانی لە بەیاننامەیگ ئمڕوو وت: بڕیارە شاندەگە لە سەردانە سێەمەگەی باس باوەت نەفت و شایستە دارییەگان هەرێم کوردستان بکەێد، وەگورەی ئەنجامەیل دانوستانە وەرینەگان، ک شاند هەرێم وەگەرد دەسەی باڵای حکومەت عراقی ئەنجام دا.
وەرجە سەردان شاند هەرێمەگە، سەردانیگ لەلایەن نێجیرڤان بارزانی سەرۆک هەرێم کوردستان ئەنجام دریا، ك لەناوی چەوپیکەفتن وەل سێ سەرۆکایەتیەگە و وەرپرسەیل هێز و لایەنە سیاسیەگان لە بەغداد کرد.


Source link

About Hooshyar

Check Also

VIDEO – Li Duhokê otomobîlekê da ser xelkê re; 2 mirî û 4 birîndar hene (Rudaw)

VIDEO – Li Duhokê otomobîlekê da ser xelkê re; 2 mirî û 4 birîndar hene …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *