Breaking News

وێنەی فەرمی Xiaomi Mi Band 5 بە سەرجەم ڕەنگەکانیەوە بڵاوکرایەوە – کەی ئای تی ئێن

ئامێرە هەمەجۆرەکان
8, حوزه‌یران 2020

کۆمپانیای شاومی لە ئامادەکاریدایە تاوەکو لە ڕێکەوتی 11 ـی ئەم مانگەدا نەوەیەکی نوێ لە دەستبەندی پڕخواستی Mi Band بە ناوی Mi Band 5 ڕابگەیەنێت. بەر لە ڕاگەیاندنی، کۆمپانیاکە وێنەی فەرمی دەستبەندەکەی بە سەرجەم ڕەنگەکانیەوە بڵاوکردەوە.

هەژماری فەرمی Smart Life ـی شاومی لە تۆڕی Weibo ـی چینی وێنەیەکی دەستبەندی وەرزشی نوێی Xiaomi Mi Band 5 ـی بڵاوکردووەتەوە کە بە ڕەنگەکانی ڕەش و زەرد و سوور و سەوزەوە بەدیار دەکەوێت. لە ڕووی دیزاینەوە، بە تەواوەتی هاوشێوەی دەستبەندی Mi Band 4 ـی پێش خۆیەتی و دوگمەی ماڵەوە لە خوارەوەی ڕوونماکەیدا هێڵدراوەتەوە. هەروەها ئاماژە بەوەش دراوە بۆنەی نمایشکردنی دەستبەندەکە لە ڕێکەوتە ناوبراوەکەدا لە کاتژمێر 9:00 ـی سەر لە بەیانی بە کاتی هەولێر بەڕێوە دەچێت.

دەنگۆکان سەبارەت بە دەستبەندی Xiaomi Mi Band 5 دەڵێن خاوەن ڕوونمایەکی قەبارە 1.2 ئینجی دەبێت لە جۆری AMOLED، خاوەن تایبەتمەندی NFC و هەستەوەری SpO2 دەبێت بۆ پێوانەکردنی هەناسە و سترێس، لەگەڵ چەند پێوانەکردنێکی وەرزشی نوێ.

About ماکوان بەرزان

Check Also

پێدەچێت لە هاوینی ئەمساڵ سۆنی فراوانکردنی بیرگەی پلەیستەیشن 5 چالاک بکات

سۆنی 26, شوبات 2021     بە پێی ڕاپۆرتێکی ماڵپەڕی Bloomberg بێت سۆنی لە هاوینی …

Leave a Reply

Your email address will not be published. Required fields are marked *