مۆبایلەکانی Oppo Reno 4 و Reno 4 Pro بە پڕۆسێسەری Snapdragon 765G و سێ کامێراوە ڕاگەیاندران

ئۆپۆ
6, حوزه‌یران 2020

کۆمپانیای Oppo مۆبایلەکانی Oppo Reno 4 و Reno 4 Pro ـی بە پڕۆسێسەری Snapdragon 765G و سێ کامێراوە ڕاگەیاندن.

هەر وەک لە ناوەکەیدا دیارە، مۆبایلی Oppo Reno 4 Pro کارامەترە و خاوەن ڕوونمایەکە بە قەبارەی 6.55 ئینج لە جۆری AMOLED بە وردی نیشاندانی 1080 بە 2400 پێکسڵ و خێرایی 90 هێرتز. لە ژێر ڕوونماکەی خاوەن چاڵە و کامێرایەکی 32 مێگاپێکسڵی لەسەر جێگیر کراوە، لە پشتەوەش خاوەن 3 دانە کامێرای کارامەیە بە ڕوونییەکانی 48 و 13 و 12 مێگاپێکسڵ.

مۆبایلی Oppo Reno 4 ـیش خاوەن ڕوونمایەکی بچووکترە بە قەبارەی 6.4 ئینج لە جۆری AMOLED. لە ژێر ڕوونماکەی خاوەن چاڵێکی فراوانە و دوو کامێرای 32 و 2 مێگاپێکسڵی لەسەر جێگیرکراوە. لە پشتەوەش خاوەن 3 کامێرایە بە ڕوونییەکانی 48 و 8 و 2 مێگاپێکسڵ.

مۆبایلەکان بە پڕۆسێسەری Snapdragon 765G بەهێز کراون و خاوەن ڕامی تاوەکو 12 گێگابایت و بیرگەی تاوەکو 256 گێگابایتن، هەردووکیان پشتگیری لە نەوەی پێنجەمی پەیوەندی 5G دەکەن و بە ڕووکاری ColorOS 7.2 ـی بنچینەکراو لەسەر Android 10 کار دەکەن. هەروەها خاوەن پاتری 4,000 ملی ئەمپێرین بە پشتگیری لە بارگاویکردنەوەی خێرای 65 واتی.

مۆبایلی Oppo Reno 4 بە ڕەنگەکانی شین و ڕەش و پەمەییەوە بە نرخی دەستپێکی 422$ لە ڕێکەوتی 12 ـی ئەم مانگە لە چین بەردەست دەکرێت بۆ کڕین.

هەروەها مۆبایلی Oppo Reno 4 Pro بە ڕەنگەکانی شین و ڕەش و سپی و سەوز و سوورە بە نرخی دەستپێکی 535$ لە ڕێکەوتی 12 ـی ئەم مانگە لە چین بەردەست دەکرێت بۆ کڕین.

ڕێکەوتی بەردەستکردنیان لە بازاڕەکانی دیکەی جیهاندا ئاشکرا نەکراوە.

About ماکوان بەرزان

Check Also

پێدەچێت هواوەی خزمەتگوزارییەکی دیکەی گووگڵ لەدەست بدات – کەی ئای تی ئێن

ئەپ و نەرمەکاڵا 24, كانونی دووه‌م 2021 بە پێی ئەو دێڕە کۆدانە بێت کە لە …

Leave a Reply

Your email address will not be published. Required fields are marked *