ئەپڵ وەشانەکانی iOS 13.5 و iPadOS 13.5 ـی بە سیستەمی شوێن پێ هەڵگرتنی ڤایرۆسی کۆرۆنا و زیاترەوە بەردەستکردن

ئای ئۆ ئێس
20, ئایار 2020

کەمێک بەر لە ئێستا، کۆمپانیای ئەپڵ وەشانەکانی iOS 13.5 و iPadOS 13.5 ـی بە ژمارەیەک تایبەتمەندی نوێ و نوێکارییەوە بەردەستکردن، یەکێک لەوانە بریتییە لە سیستەمی شوێن پێ هەڵگرتنی ڤایرۆسی کۆرۆنا، کە لە ڕابردوودا بە هاوبەشی لەگەڵ گووگڵدا ڕایانگەیاند.

ئەپڵ و گووگڵ لە ماوەی ڕابردوودا API ـی ئاگادارکەرەوەی تایبەت بە حاڵەتە مەترسیدارەکانیانی بە هاوبەشی لەگەڵ لایەنە تەندرووستییەکان بۆ ڤایرۆسی کۆرۆنا ڕاگەیاند، ئەمە لە ڕێگەی سیستەمێکەوە کار دەکات و لە کاتی کاراکردنی، مۆبایلی بەکارهێنەران کلیلێکی بە کۆد کراو لەگەڵ مۆبایلی ئەو کەسانەدا لە ڕێگەی Bluetooth هاوبەشی پێ دەکات کە بەرکەوتنیان لەگەڵدا هەبووە، پاشان کلیلەکان پاشەکەوت دەکرێن و لە ڕێگەی ئەپی تایبەتی دامەزراوە تەندرووستییەکان هاوبەشی پێ دەکرێن.

ئەپڵ و گووگڵ دەڵێن ژمارەیەکی کەم لە ویلایەتەکانی ئەمریکا و 22 وڵات داوای بەکارهێنانی سیستەمەکەیان کردووە. سیستەمەکە خاوەن API ـی تایبەتە بۆ گەشەپێدەران و دەتوانرێت تەنها بۆ ئەپە تەندرووستییەکان لە لایەن دامەزراوە بڕواپێکراوەکانەوە بەکاربهێندرێن. وەشانەکانی iOS 13.5 و iPadOS 13.5 ـی ئەمڕۆش خاوەن تایبەتمەندییە ناوبراوەکەن.

گرنگترین تایبەتمەندییە نوێیەکانی دیکەی وەشانەکانی iOS 13.5 و iPadOS 13.5، بریتین لە:

Face ID و تێپەڕەوشە:

ئاگادارکەرەوەی تایبەت بە حاڵەتە مەترسیدارەکان:

  • API ـی تایبەت بە حاڵەتە مەترسیدارەکان بۆ شوێن پێ هەڵگرتنی ڤایرۆسی COVID-19 بەردەستە بۆ دامەزراوە بڕواپێکراوە تەندرووستییەکان.

FaceTime:

  • زیادکردنی بژاردەیەک بۆ پەیوەندییە بە کۆمەڵەکانی FaceTime بۆ ئەوەی خودکارانە قەبارەی نیشاندەرەکان نەگۆڕدرێن لە کاتی پەیوەست بوونی بەشداربوویەکی نوێ.

وردە کێشە چارەسەرکراوەکان:

  • چارەسەرکردنی کێشەیەک کە ڕەنگە ببووایەتە هۆکاری نیشاندانی ڕوونمای ڕەش لە کاتی کارپێکردنی ڤیدیۆیەکان لە هەندێک لە ماڵپەڕەکاندا.
  • چارەسەرکردنی کێشەیەک کە ڕەنگە ببووایەتە هۆکاری نیشان نەدانی پەڕەی هاوبەشیپێکردن.
  • چارەسەرکردنی جام بوونی ئایفۆنەکان لە کاتی نیشاندانی نووسینێک.

چۆنیەتی نوێکردنەوەی وەشان لە iOS:

  • کردنەوەی ئەپی Settings.
  • کردنەوەی بەشی General.
  • کردنەوەی بەشی Software Update.
  • کرتە کردن لە Download and install.

تێبینی بۆ نوێکردنەوەی وەشان:

  • پێویستە وزەی پاتری ئامێرەکەت لە 50% زیاتر بێت.
  • پێویستت بە ئینتەرنێتی وایفای هەیە بۆ نوێکردنەوەی وەشان.

About ماکوان بەرزان

Check Also

بە فەرمی زنجیرە مۆبایلی ئاست بەرزی هواوەی P50 بە دیزاینێکی نوێی کامێراوە نمایش کران

هەواڵ 29, ته‌مموز 2021   لەدوای چەند مانگێک لە چاوەڕوانی، دواجار زنجیرە مۆبایلی Huawei P50 …

Leave a Reply

Your email address will not be published. Required fields are marked *