ئەپڵ iPad و iPad mini ـییەکی نوێ بە ڕوونمای گەورەترەوە ڕادەگەیەنێت – کەی ئای تی ئێن

ئەپڵ
15, ئایار 2020

دەنگۆکانی ئامێری ئایپادی ئەپڵ دووبارە دەستیان پێکردەوە، ئێستا دەنگۆیەک هەیە و دەڵێت ئەپڵ iPad و iPad mini ـییەکی نوێ بە ڕوونمای گەورەترەوە ڕادەگەیەنێت.

پێشبینیکەری بەناوبانگ، Ming-Chi Kuo لە لایەن MacRumors، ڕایگەیاندووە کە پێشبینی دەکات کۆمپانیای ئەپڵ نەوەیەکی نوێ لە iPad بە قەبارەی 10.8 ئینج لە چارەکی دووەمی ئەمساڵدا ڕابگەیەنێت، وە نەوەیەکی نوێش لە iPad mini بە قەبارەی 8.5 یاخود 9 ئینجەوە لە چارەکی یەکەمی ساڵی داهاتوودا ڕابگەیەنێت.

لە پاڵ ئەمەشدا، Kuo ڕایگەیاندووە کە ئەپڵ چاویلکە ڕاستییە خەیاڵییەکەی لە سەرەتاکانی ساڵی 2022 ـدا ڕادەگەیەنێت، لە کاتێکدا لە سەرەتادا پلانی وابوو لە مانگی ئازار یاخود حوزەیرانی ساڵی داهاتوودا ڕایبگەیەنێت. بۆ چەند ساڵێکە دەنگۆ هەیە کە گوایە ئەپڵ لە پلانیدایە چاویلکەیەکی ڕاستی خەیاڵی و هێدسێتی ڕاستی خەیاڵی ڕابگەیەنێت، وا دیارە کاتی ڕاگەیاندنی ئەم بەرهەمە نوێیانە نزیک بووەتەوە.

هەروەها ئەپڵ پشتڕاستی کردەوە کە کۆمپانیای NextVR ـی کڕییەوە، پێدەچێت ئەپڵ تەکنەلۆژیاکانی کۆمپانیا نوێیەکەی بۆ چاویلکە ڕاستی خەیاڵی و هێدسێتی ڕاستی خەیاڵییەکانی بەکاربهێنێت.

About ماکوان بەرزان

Check Also

ئۆنەر زنجیرە مۆبایلی Honor 50 5G بە خزمەتگوزارییەکانی کۆمپانیای گووگڵەوە نمایش کرد

مۆبایل و تابلێت 16, حوزه‌یران 2021 لە کۆتاییدا ئۆنەر زنجیرە مۆبایلی Honor 50 بە خزمەتگوزارییەکانی …

Leave a Reply

Your email address will not be published. Required fields are marked *