کۆمپانیای Sony دڵنیایی دەدات کە ڕێکەوتی بەردەستکردنی PlayStation 5 وەک خۆی ماوەتەوە و دوا نەخراوە

سۆنی
14, ئایار 2020

کۆمپانیای سۆنی ژاپۆنی ڕایگەیاند کە تاوەکو ئێستا دەستکاری ڕێکەوتی بەردەستکردنی سەکۆی نوێی PlayStation 5 ـیان نەکردووە بە هۆی ڤایرۆسی کۆرۆناوە و وەک خۆی ماوەتەوە.

لە پاڵ ڕاگەیاندنی دەستکەوتەکانی لە ساڵی پاردا، کۆمپانیای سۆنی دەڵێت سەکۆی نوێی PlayStation 5 لە هاوینی ئەمساڵدا بەردەست دەکرێت و بە هۆی ڤایرۆسی کۆرۆناوە دواخستن بە خۆیەوە نابینێت. هەرچەندە هەندێک دەنگۆ هەن کە باس لە سنووردارکردنی بەردەستکردنی PlayStation 5 دەکەن تاوەکو ساڵی داهاتوو بە هۆی کاریگەرییەکانی ڤایرۆسەکەوە، کە ڕەنگە لە سەرەتادا کێشە بۆ هەوادارانی سەکۆیەکە لە کڕینی درووست بکات.

هەروەها کۆمپانیا ژاپۆنییەکە ڕایگەیاند کە تاوەکو ئێستا 110 ملیۆن دانەیان لە سەکۆی PlayStation 4 فرۆشتووە، وە داهاتی ساڵانەی یارییەکانیان بە ڕێژەی 14% کەمی کردووە.

پێشتر کۆمپانیای مایکرۆسۆفتیش هەمان شتی ڕاگەیاند و گوتبووی کە دەستکاری ڕێکەوتی بەردەستکردنی سەکۆی نوێی Xbox Series X ناکەن و لە هاوینی ئەمساڵدا بەردەست دەکرێت.

About ماکوان بەرزان

Check Also

بە فەرمی کاتژمێری Huawei Watch GT 2 Pro ECG و دەستبەندی Band 6 Pro نمایش کران – کەی ئای تی ئێن

هەواڵ 30, ته‌مموز 2021   لە پاڵ نمایش کردنی زنجیرە مۆبایلی هواوەی P50، هواوەی نوێترین …

Leave a Reply

Your email address will not be published. Required fields are marked *