ئەپڵ شوێنی بەرهەمهێنانی ئایفۆنەکان لە چینەوە دەگوازێتەوە بۆ هیندستان

ئەپڵ
11, ئایار 2020

دواین دەنگۆیەکان ئاماژە بەوە دەکەن کە ئەپڵ لە پلانیدایە شوێنی بەرهەمهێنانی ئایفۆنەکان لە چینەوە بگوازێتەوە بۆ هیندستان.

بە پێی پێگەی Economic Times بێت، کۆمپانیای ئەپڵ لە 5 ساڵی داهاتوودا شوێنی پێنجەم بەرهەمهێنانی ئایفۆنەکان لە وڵاتی چینەوە دەگوازێتەوە بۆ هیندستان، بەمەش پشت پێبەستنی کۆمپانیا ئەمریکییەکە بە چینەوە زیاتر کەم دەبێتەوە.

پێگەکە دەڵێت بەهای زیاد لە 40 ملیار دۆلار لە ئایفۆنەکان لە هیندستانەوە پەیدا کراوە، لە کاتێکدا کە بڕی فرۆشی 1.5 ملیار دۆلار لە مۆبایلەکە لە ناوخۆی چیندا پەیدا کراوە، ئەمەش مانای ئەوەیە کە قازانجی فرۆشی ئایفۆن لە وڵاتانی دیکە بە بەراورد بە ناوخۆی چین زۆر زیاترە. هەر بۆیە ئەپڵ دەیەوێت سەرنجی زیاتر بخاتە سەر هیندستان.

دەگوترێت کە لە هەفتەی داهاتووەوە ئەپڵ بە فەرمی داوای مۆڵەت بۆ ئەنجامدانی ئەم پڕۆسەیە لە حکومەتی هیندستان دەکات.

ئەم هەواڵە لە دوای ئەوە دێت پێشتر دەنگۆکان ئاشکرایان کرد کە ئەپڵ دەیەوێت بۆ یەکەمجار بیستۆکی بێوایەری AirPods لە دەرەوەی چین و لە وڵاتی ڤێتنام بەرهەم بهێنێت.

About ماکوان بەرزان

Check Also

تایبەتمەندییەکانی چیپسێتی سناپدراگۆن 775 ئاست ناوەند دزەی پێ کرا و زۆر نایاب دەبێت

رەقەکاڵا 6, ئازار 2021     کواڵکۆم بازاڕێکی زەبەلاحی لە نێو مۆبایلە زیرەکەکاندا داگیر کردووە …

Leave a Reply

Your email address will not be published. Required fields are marked *