تویتەر کار لەسەر تاقیکردنەوەی ڕووکارێکی ئاسانتر دەکات بۆ بەشی گفتوگۆکان

کۆمپانیای تویتەر ڕووکارێکی نوێ و ئاسانتری بۆ بەشی گفتوگۆکانی تۆڕەکەی ڕاگەیاند.

لە جریوەیەکی وێنە جوڵاویدا، هەژماری Twitter Support ڕووکاری نوێی بەشی گفتوگۆیەکانی تۆڕەکەی ڕاگەیاند، کە بە چەند هێڵێک سەرچاوەی گفتوگۆی جریوەکان دیاری دەکات و زۆر ئاسانکاری دەکات لە زانینی ئەوەی کێ وەڵامی کێی داوەتەوە. لە ڕاستیدا، ئەم ڕووکارە زۆر لە ڕووکاری گفتوگۆیەکانی تۆڕی Reddit ـەوە نزیکە.

Your conversations are the 💙 of Twitter, so we’re testing ways to make them easier to read and follow.

Some of you on iOS and web will see a new layout for replies with lines and indentations that make it clearer who is talking to whom and to fit more of the convo in one view. pic.twitter.com/sB2y09fG9t

— Twitter Support (@TwitterSupport) May 5, 2020

ڕووکاری بەشی گفتوگۆیەکانی ئێستای تویتەر زۆر ئاڵۆزە و ئەگەر گفتوگۆیەک زۆر درێژە بخایەنێت، بە ئەستەم دەزانیت سەرچاوەی دەستپێکەری گفتوگۆیەکە یاخود کەسەکان کێن. بەڵام سوپاس بۆ ئەم ڕووکارە نوێیە، ئەم کێشە لە تۆڕەکەدا ناهێڵێت.

لە پاڵ ڕاگەیاندنی ئەم ڕووکارە نوێیە، تویتەر دەڵێت دوگمەکانی Like و Retweet و Reply بە شێوەی بنەڕەتی دەشارێتەوە لە ژێر گفتوگۆیەکان تاوەکو ئەو کاتەی کرتەیان لەسەر دەگرێت، تاوەکو جریوەکان بە بچووکتر دەربکەون.

لە ئێستادا ئەم ڕووکارە نوێیەی تویتەر بۆ ژمارەیەک لە بەکارهێنەرانی iOS و وێب بەردەستکراوە و لە داهاتوودا بۆ سەرجەم بەکارهێنەرانی تۆڕەکە لە سەکۆیە جیاوازەکان بەردەست دەکرێت.

ماکوان بەرزان

نووسەر و بەڕێوەبەری نووسین لە کەی ئای تی ئێن. گەشەپێدەر و خوێندکاری پەیمانگەی زانستی کۆمپیوتەر.