لە تەکتیکیگ نوو.. دەرچینگ ئیرانی لە ژیر چەتر حەشد شەعبی

شەفەق نیوز/ خەوەرەیل باس لە ریکخریاگ نوویگ سەر وە ئیران کەن، وەناونیشان ( سوپای بەرخودان ئیسلامی) لە عیراق، هەڵقوڵان پڕ مەترسییگە لە مەیدان عیراقی و هەرێمی، وئاڵشبوینیگە لە کردەوە، لە روژیگ رێکخراو بەدر دامەزریا، لە هەیشتاگان سەدەی وەرین، لە لوتکەی ناکۆکییەگەی وەل سەدام حسەین، تا رەسیە دامەزرانن سوپای مەهدی وە سەرپەرشتی موقتەدا سەدر، ئەرا جنگ کردن وەرانوەر سوپای ئەمریکا دویای ٢٠٠٣ ، ک فرە لە باڵەیل شیعە لەلیەو دەرچگ، تا رەسیمنە دروسبوین حەشد شەعبی.

دامەزرانن ئی باڵ نووە، وە تەتیکیگ ئیرانی وە هاوکاری هاوپەیمانەیلیگ لە لایەنەیلیگ عیراقی، ئاماژە دەێده ئەگەر پەنابردن وە هەڵبژاردەیگ جیواز، لە قۆناغ دویای کوشتن قاسم سولەیمانی سەرکردەی فەیلەق قودس و ئەبو مەهدی موهەندس، ک دویای ئەوە عەلی خامەنەئی مورشید باڵای ئیران، هه‌وڵدان ئەرا دەرکردن هێزەیل ئەمریکا لە عیراق و ناوچەگە راگەیان.
بی گومان، کوشتن سولەیمانی و موهەندس، دەس سەختیگ ئەرا باڵەیل حەشد شەعبی وەشان، نەگ تەنیا لە باوەت سەربازی و ئەمنی، بەڵکم لە باوەت سیاسییش، چوینکە ئەو کوشتنە، دووارە دەر پرسیارەیل دەربارەی دویاڕوژ حەشد شەعبی کردەو، هەرچەن لە ساڵ ٢٠١٦ وە فەرمی بویە بەشیگ لە هێزەیل چەکدار عیراقی.

و لە دروس بوین ئی باڵە وئامادە کردنی، ک شەفەق نیوز وه‌رژه‌یه‌ وردەکاریەگانی بڵاو کرد، ئەوگ سەرنج راکێشە، هاتنی وەل وەخت پەلامارەگەی ئیرانه‌ لە بان بنکەیل سەربازی ئەمریکا لە عیراق.
ئەرا وە لە خوەنستنیگ نەرم، تویەنیمن ئی گام دروسکردن ئی رێکخراوە، بخەیمنە دوو باوەت هاوبەش؛ یەکمیان هەست ئیران وە گونجیاگ بوین ئی شیوەی سیاسیە لە بەغداد، لە قۆناغ دویای رمانن حوکمەت عادل عەبدولمەهدی، ودروس کردن حوکمەت کازمی، وە گەرد پەڵپەیل تەواوکردن بەرسڤدان سەربازی ئیران، ئینجا گرنگی کارکردن لە دەیشت چوارچێوەی حەشد شەعبی، تا دەسپاچەی هێزە سیاسیەیلە و ‌هێزە چەکداریه‌گان نەکەێد.

باوەتە دووەمینەیش؛ پەیوەندی وە کارەیل گرنگ دیرێد، ئەرا جیوەجی کردن رێنمایەگان خامەنەئی ، له‌ باوه‌ت دەرکردن هێزەیل ئەمریکا. ئیسە دیاردا باڵەیل حەشد شەعبی ک هەژماریان لە هه‌زار٦٠ رەد کردیە، لە روژ گردەوبوینیان لە ئازار ٢٠١٤ ، جوی وڵامیگ ئەرا فەتوای مەرجعیەت سەید عەلی سیستانی وە ( جیهاد کیفائی)، یا کەفتیەسە بڵاوبوین مەیدانی فرەیگ، یا ئاشکرا بوین ئەمنی فرەیگ، یا پەیوەندبوین وە هاوکێشانەیل سیاسی.
تەهران لە دویای سولەیمانی و موهەندس خوازێد ئازادییگ لەی هەمکەی کۆت وبەندەیلە خوازێ ، ک رێکخراو (سوپای بەرخودان ئیسلامی) خزمەتی کەێد، وەی شیوە وەیەکجاری رێکخراوەگە لە کۆتو بەندەیل سیاسەت ئازاد کەێد.
چوینکە لە کار ئۆپراسیۆن و ئەرکدان ک ئیسماعیل قائانی جانشین قاسم سولەیمانی لە هێز قودس وەری گرد، خامەنەئی ئاشکرای کرد: چگن لە بان ریەگەی سولەیمانی و تەواو کردن ئەرکه‌گه‌ی وسانه‌ وەرانوەر سوپای ئەمریکا لە ناوجەگە،
وگشتی باڵەیل حەشد شەعبی پەیوەندی وە قاسم سولەیمانی وە شیوەگ ئاشکرا داشتن، هەرچەن ئەبو مەهدی موهەندس سەرپەرشت مەیدانی بی و فه‌رمانه‌یل راستەخۆ جیوەجی کردیا، وئەرا دوو ساڵە، پەلەمارەیل هێز ئاسمانی ئەمریکا ، چ لەناو عیراق چ لە سوریایش ئه‌را بان باره‌گایه‌یل حه‌شد دیاره‌ ، یه‌ بوغزیگ خستەیسە ناو پەیوەندیە سیاسی و ئەمنیەگان له‌ ناوبەین بەغداو واشینتون، وهەمیش ناوبەین تەهران و بەغداد.

(سوپای برخودان ئیسلامی) دیارە ک هەوڵدانیگە لە باوەت سەربازی ئەرا دووارە جیگردنیگ، لە لاین ئیران له‌ ناو مەیدان عیراق. ئەوە ک بەرپرس سەربازییەگ حه‌شه‌د ئەرا شەفەق نیوز باسی کرد، هەنای ئاماژە دا وە باڵە نووەگە ک لەلاین سوپای پاسداره‌یل ئیران هەڵبژریانە، وراهێنانیگ جێواز وەر گردنە و بڕیگ له‌ چەکدارەیل عەسائیب ئەهل حەق، رێکخراو بەدر، حەرەکەتی نوجەبا، و باڵەیلیگتر هانە ناوی.
مەرج ئەندامبوین له‌ ئی رێکخراوە، ئەوەسە ک وەهەر شیوەیگ هویچ پەیوەندییگ وە لایەنیگ عیراقی نەیاشتوید، تەنانەت حەشد شەعبییش، شایەت تا هویچ چالاکییگیان لە بان لایەنیگ فەرمی عیراقی نەوریەێد، واتە ک پلان و بڕیارەیلی کەفیدە ژیر فه‌رمان ئیران، چ لە ری ئیسماعیل قائانیەو بود، چ لە ری بەرپرس رێکخراوەگە، ک ناوی وەگورەی سەرچەوە عیراقیەگە، ماجد میزعل عاسی شەرهانی تەرفیە، ک لە بنچینه‌ عەرەو ئیرانە لە ئەهواز، و جنسیەی عیراقی لە ساڵ ٢٠٠٧ وەر گردیە، و قاسم سولەیمانی خوەی داناسەی وەرجە کوشتنی.
له‌ ئی هەفتەو مانگەیل هاتگ، شایەت شیوەیل کار سەربازی جوراوجوریگ بوینیمن، وشایەت فرەتر ئاشکراو توند بود، لە گورمیچەیل ئەمریکی- ئیرانی، و مەیدانەگەیشی عیراق بود وە فرەترین دەرفەت، بەڵکم ئاگرەگەی شایەت وڵاتر بود.


Source link

About Hooshyar

Check Also

Îran Soza Tolvedana Kuştina Zanyarekî Navokî Dide

Serkirdeyê mezin ê Îranê îro Şemîyê soza tolvedana kuştina mezinê zanyarên navokî yê komara Îslamî …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *